لاہور: باغبانپورہ میں سگے بھائی نے جائیداد کی لالچ میں اپنے ہی بھائی کو گولی مارکر قتل کردیا۔
تفصیلات کے مطابق باغبانپورہ میں نہایت ہی افسوسناک واقعہ پیش آیا جب ایک سفاک بھائی نے جائیداد کی لالچ میں اپنے ساتھی کیساتھ مل کر اپنے بھائی کو گولی مار کر قتل کردیا۔
پولیس کے مطابق ملزمان نے قتل کو خودکشی کارنگ دینےکی کوشش کی اور مقتول سعید کے گودام کو بھی آگ لگادی۔
پولیس کے مطابق واقعہ 17 مئی کو پیش آیا جس میں بھائی نے ساتھی کے ساتھ مل کر دوسرے بھائی کے سر میں گولی ماری جس سے وہ موقع پر ہی جاں بحق ہوگیا۔ پولیس نے مقتول کے بھائی سمیت دو ملزمان کو گرفتار کرلیا۔
یہ بھی پڑھیں: اے ایس ایف نے ایک اور خاتون خودکش بمبار کے متعلق الرٹ جاری کردیا