گوگل نیوز پر ہمیں فالو کریںسندھ حکومت نے کراچی سمیت سندھ بھر میں کھلے مقامات پرکچرا پھینکنے پرپابندی عائد کرتے ہوئے دفعہ 144نافذ کردی،محکمہ داخلہ نےنوٹیفکیشن جاری کردیا۔
نوٹیفکیشن کے مطابق گھروں کے باہر کچرا پھینکناممنوع قرار اور قابل سزا جرم تصور ہوگا،گاڑی سے کچرا سڑک پرپھینکنا بھی جرم ہوگااورپولیس گرفتارکرسکتی ہے۔
تعمیراتی ملبہ سڑکوں پر پھینکنے اور ممنوعہ جگہ پر پان تھوکنا بھی قابل سزا جرم قرار دیا گیا ہے، گلی ،کوچوں اور شاہراہوں پرکچرا پھینکنے پر دفعہ 144کے تحت کارروائی ہوگی۔
نوٹیفکیشن کے مطابق دفعہ 144 نوے روز کے لئے عائد کی گئی ہے اور اس پر پابندی کا اطلاق فوری اور صوبے بھر میں ہوگا۔
