ممبئی: بھارتی فلم انڈسٹری کی معروف اداکارہ شہناز گل نے مشہور گانا گنگنا کر اپنے چاہنے والوں کو حیرانگی میں مبتلا کردیا۔
بھارتی اداکارہ شہناز گل اس وقت بالی ووڈ میں بطور اداکارہ اپنے کیریئر پر توجہ مرکوز کئے ہوئے ہیں، اس کے ساتھ وہ موسیقی کے میدان میں بھی کسی سے پیچھے نہیں ہیں۔
بھارتی اداکارہ نے ایک ویڈیو شیئر کی ہے جس میں وہ ماضی کی مقبول فلم ساگر کے مشہور گانے (ساگر جیسی آنکھوں والی)پر بہترین انداز میں گنگنا رہی ہیں۔
اداکارہ نے اپنے خوبصورت تاثرات اوردلکش انداز کے ساتھ خوبصورت گانے پر ڈبنگ کی ویڈیو اپنے چاہنے والوں کے لئے جاری کی ہے۔
ساتھ ہی انہوں نے یہ بھی لکھا کہ مجھے یہ گانا بے حد پسند ہے۔سوشل میڈیا صارفین کی جانب سے ان کی جانب سے شیئر کی گئی ویڈیو پر کمنٹس کا سلسلہ جاری ہے، جبکہ سوشل میڈیا صارفین ان کی پرفارمنس کی تعریفیں کررہے ہیں۔