گوگل نیوز پر ہمیں فالو کریںاسلام آباد:وزیرِ اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ وزیرِ اعظم عمران خان کا تعمیراتی شعبے کیلئے مراعاتی پیکیج ترقی کا پیغام ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی اطلاعات فردوس عاشق اعوان نے کہا کہ تعمیراتی شعبے کیلئے مراعاتی پیکیج اور صنعت کا درجہ دینے سے دیگر صنعتوں کو فروغ ملے گا جبکہ وزیرِ اعظم کا یہ اقدام امیدِ نو اور ترقی کا پیغام ثابت ہوگا۔
پیغام میں معاونِ خصوصی برائے اطلاعات و نشریات ڈاکٹر فردوس عاشق اعوان نے کہا کہ مزدور طبقے سے لے کر سرمایہ دار برادری تک سب وزیرِ اعظم عمران خان کے تعمیراتی شعبے کیلئے مراعاتی پیکیج سے استفادہ حاصل کریں گے۔
وزیرِ اعظم کی معاونِ خصوصی فردوس عاشق اعوان نے کہا کہ وزیرِ اعظم کے ترقیاتی پیکیج کے تحت فکسڈ ٹیکس کا مطالبہ تسلیم کرتے ہوئے سیمنٹ اور اسٹیل انڈسٹری کے سوا تمام تعمیراتی شعبوں پر وِد ہولڈنگ ٹیکس ختم کردیا گیا ہے۔
فکسڈ ٹیکس کا مطالبہ تسلیم کرتے ہوئے سیمنٹ اور سٹیل انڈسٹری کے سوا تمام تعمیراتی شعبوں پر ودہولڈنگ ٹیکس ختم کر دیا گیا ہے۔2/2#CoronaFreePakistan
— Dr. Firdous Ashiq Awan (@Dr_FirdousAwan) April 5, 2020
معاونِ خصوصی ڈاکٹر فردوس عاشق اعوان نے کہا کہ تعمیراتی شعبے کے تحریک پانے سے دیگر صنعتوں کو نئی زندگی ملے گی جس سے ہنر مند اور غیر ہنر مند محنت کش مستفید ہوں گے۔
ڈاکٹر فردوس عاشق اعوان نے کہا کہ یہ پیکیج تعمیرِ وطن، عوام کی خوشحالی اور روزگار کے مواقع پیدا کرنے میں سنگِ میل ثابت ہوگا۔
تعمیراتی شعبے کے تحریک پانے سے دیگر صنعتوں کو نئی زندگی ملے گی جس سے ہنرمند اور غیرہنرمند محنت کش مستفید ہوں گے۔ یہ پیکیج تعمیر وطن، عوام کی خوشحالی اور روزگار کے مواقع پیدا کرنے میں سنگ میل ثابت ہو گا۔#CoronaFreePakistan #StaySafeStayHome
— Dr. Firdous Ashiq Awan (@Dr_FirdousAwan) April 5, 2020
فردوس عاشق اعوان نے کہا کہ نیا پاکستان ہاؤسنگ پروگرام میں سرمایہ کاری کرنے والوں سے صرف 10 فیصد ٹیکس لیا جائے گا جبکہ 90 فیصد ٹیکس رعایت دی جارہی ہے۔
انہوں نے کہا کہ وزیرِ اعظم عمران خان کا تعمیراتی شعبے کیلئے ترقیاتی پیکیج قابلِ تعریف ہے جبکہ یہ محنت کشوں اور مزدوروں کی ترقی ہے۔
نیا پاکستان ہاؤسنگ پروگرام میں سرمایہ کاری کرنے والوں سے صرف 10 فیصد ٹیکس لیا جائے گا جبکہ 90 فیصد ٹیکس رعایت دی جارہی ہے۔ تعمیرات کے شعبے کی ترقی محنت کشوں، مزدوروں کی ترقی ہے۔#CoronaFreePakistan
— Dr. Firdous Ashiq Awan (@Dr_FirdousAwan) April 5, 2020
یاد رہے کہ اس سے قبل وزیراعظم عمران خان نے تعمیراتی شعبے کیلیے پیکج کااعلان کرتے ہوئے کہا کہ پاکستان میں کورونا کا چیلنج مغرب سے مختلف ہے جبکہ پوری دنیا میں تباہی پھیلانے والا کوروناوائرس پوری دنیا کیلیے چیلنج بن چکاہے۔
تعمیراتی پیکیج کا اعلان کرتے ہوئے وزیرِ اعظم نے 2 روز قبل کہا کہ پاکستان میں ایک طرف کورونا ہے تو دوسری طرف بھوک ہے۔صرف ڈیفنس یاگلبرگ کے علاقے میں لاک ڈاؤن کامیاب نہیں ہوگا۔لاک ڈاؤن کامیاب تب ہوگاجب کچی آبادیوں اورغریبوں کے محلے میں بھی کیا جائے۔
مزید پڑھیں: وزیراعظم عمران خان کاتعمیراتی شعبے کیلیے پیکج کااعلان
