گوگل نیوز پر ہمیں فالو کریںقصورمیں بچوں کے ساتھ زیادتی اور قتل کے واقعے پر اداکارہ نادیہ جمیل نے شدید غم و غصے کا اظہار کرتے ہوئے کہا ہے کہ میں نے ایک طویل عرصے تک اس شہر میں کام کیا ہے اور بچوں کے ساتھ ہونے والے سلوک کو بھی دیکھا ہے۔
سماجی رابطے کی ویب سائٹ ٹوئٹر پر اپنے پیغام میں پاکستانی ڈرامہ ایکٹر اور سماجی رہنما نادیہ جمیل نے کہا کہ یہ دیکھنے سے سخت ذہنی اذیت ہوتی ہے کہ بچوں کو انصاف نہیں ملتا۔ قصور کے واقعے میں بچوں کے ساتھ اجتماعی زیادتی ہوئی ہے۔
یہ بھی پڑھیں: کراچی میں ڈاکوؤں کی فائرنگ سے گشت پر مامور پولیس اہلکار شہید ہوگیا
Uff. I worked in Kasur for a long time. It was devastating to see what was done to those children. How little justice they have received. How many men were involved. https://t.co/jzVs59jvW5
— Nadia Jamil (@NJLahori) September 17, 2019
وزیر اعلیٰ پنجاب عثمان بزدار کے واقعے کا نوٹس لینے پر نادیہ جمیل نے کہا کہ نوٹس خود ایک سوال ہے۔ اگر آپ نے پہلے اس واقعے کو اہم سمجھا ہوتا تو شاید ایسا اندوہناک سانحہ نہ ہوتا۔ اس روح فرسا واقعے سے روح تک کانپ گئی۔ میرے پاس کوئی الفاظ نہیں۔
نادیہ جمیل نے مزید کہا کہ خدا کے لیے جس بچے کو چھوڑ دیا گیا، اس کا بھی نوٹس لیں۔ جن بچوں کے ساتھ زیادتی کی جاتی ہے، انہیں انصاف نہیں ملتا اور ان کو ہمیشہ زیادتی کا خوف رہتا ہے۔
Notice?! Kasur is not new to this. If he had taken Notice before perhaps this would not have happened. Sickened 2 the soul…No words. None.
For God’s sake! Take Notice of the kids left also! The abused ones who never got justice & those who live in constant fear of being abused https://t.co/BC7E5RMAyd— Nadia Jamil (@NJLahori) September 18, 2019
یاد رہے کہ اس سے قبل پنجاب کے ضلع قصورکی تحصیل چونیاں میں 3بچوں سےزیادتی کےبعدقتل کے خلاف مشتعل شہریوں نےشدید احتجاج کیا،مظاہرین نے پولیس اسٹیشن کامحاصرہ کیا اور ٹائر جلا کر مرکزی شاہراہ بلاک کردی۔
مزید پڑھیں: قصورمیں 3بچوں کاقتل،مشتعل مظاہرین کاشدیداحتجاج، پولیس اسٹیشن پرحملہ
