گوگل نیوز پر ہمیں فالو کریںبھارت میں ایک ماں نے موبائل فون کے زیادہ استعمال کی عادی جوان بیٹی کو غصے میں ڈنڈا مارا جو اس کے سر پر لگا اور جوان بیٹی کی جان لے گیا۔
بھارتی میڈیا کے مطابق ریاست راجستھان کی 22 سالہ نیکیتا سنگھ کو موبائل استعمال کا بے تحاشا شوق تھا اور اس شوق نے اس کی جان لے لی۔
پولیس کا کہنا ہے کہ نیکیتا کے والد اپنی بیٹی کے امتحان کی تیاری کرنے کے بجائے ہر وقت موبائل استعمال کرنے سے بیزار تھے اور موبائل چھین کر والدہ کو دیدیا تھا۔
تاہم نیکیتا نے کسی طرح ماں کو منالیا اور وعدہ کیا کہ وہ تھوڑی دیر کے لیے موبائل استعمال کرے گی لیکن اس نے اپنی عادت نہیں چھوڑی، جس پر ماں بیٹی کے درمیان جھگڑا ہوا۔
ماں نے بیٹی کی ڈنڈے سے پٹائی کی اور اس دوران ڈنڈا سر پر لگ گیا جس سے بیٹی کی موقع پر ہی موت واقع ہوگئی۔
