گوگل نیوز پر ہمیں فالو کریںاسلام آباد: کورونا وائرس نے پاکستان میں مزید 39 زندگیاں نگل لیں اور 1043 نئے شکار کرلئے، مثبت کیسز کی شرح 2 فیصد سے بھی کم سطح پر آگئی۔
پاکستان میں کورونا سے بچاؤ کیلئے ویکسی نیشن کا عمل تیز ہونے کے بعد ملک میں وباء سے متاثر ہونیوالے کی شرح میں نمایاں کمی دیکھنے میں آئی ہے، گزشتہ 24 گھنٹوں میں مثبت کیسز کی شرح 2 فیصد سے بھی کم ریکارڈ کی گئی۔
Statistics 18 June 21:
Total Tests in Last 24 Hours: 54,647
Positive Cases: 1043
Positivity % : 1.90%
Deaths : 39— NCOC (@OfficialNcoc) June 18, 2021
این سی او سی کے مطابق گزشتہ 24 گھنٹوں کے دوران ملک بھر میں کورونا کے 54647 ٹیسٹ کیے گئے جن میں سے 1043 افراد میں کورونا وائرس کی تصدیق ہوئی جب کہ وائرس سے 39 ہلاکتیں ہوئیں۔
ملک میں کورونا سے مجموعی طور پر اموات کی تعداد 21913 ہوگئی اور کل کیسز کی تعداد 9 لاکھ 46 ہزار 227 ہوچکی ہے جب کہ اب تک وائرس سے 8 لاکھ 88 ہزار 505 افراد صحت یاب بھی ہوئے ہیں۔
پاکستان میں کورونا کی تیسری لہر میں کمی کے بعد کورونا ٹاسک فورس کے سربراہ ڈاکٹر عطاالرحمن نے کورونا کی چوتھی لہر آنے کا خدشہ ظاہر کردیا۔
مزید پڑھیں:ووہان میں گیارہ ہزار طلبہ کی سماجی فاصلے کے بغیر اجتماعی گریجویشن تقریب
