گوگل نیوز پر ہمیں فالو کریںوزیر اعظم پاکستان عمران خان نے کہا ہے کہ حکومت نبی کریم ﷺ کی تعلیمات بالخصوص آپ ﷺ کے آخری خطبے پر عمل کرتے ہوئے انسانی حقوق کے تحفظ کے لیے پر عزم ہے جبکہ حقوق کے عالمی دن کے موقعے پر ہم بہادر کشمیریوں کی جدوجہد کو سلام پیش کرتے ہیں۔
عالمی یومِ انسانی حقوق کے حوالے سے سماجی رابطے کی ویب سائٹ ٹوئٹر پر اپنے پیغام میں وزیر اعظم عمران خان نے کہا کہ ہم حضور اکرم ﷺ کے خطبۂ حجۃ الوداع سے رہنمائی حاصل کرتے ہیں جبکہ انسانی حقوق کے حوالے سے قوانین آئینِ پاکستان میں موجود ہیں۔ حکومت تمام شہریوں کے حقوق کا بلا امتیاز دفاع کرنے کے حوالے سے پر عزم ہے۔
ٹوئٹر پر اپنے پیغام میں وزیر اعظم عمران خان نے کہا کہ مسلمانوں کو عالمی یومِ انسانی حقوق کے موقعے پر یہ یاد رکھنا ہوگا کہ مساوات، عدل و انصاف اور انسانی حقوق کے تحفظ کا درس انہیں نبی کریم ﷺ نے 1400 سال پہلے دیا تھا جبکہ درسِ نبی ﷺ میں انسانی حقوق کا تحفظ اور عوام کے وقار کا احترام شامل ہے۔
Inspired by the ideals preached by our Prophet PBUH, especially in his last sermon, and duties enshrined in our Constitution, my govt is committed to the protection of human rights for all its citizens without discrimination.
— Imran Khan (@ImranKhanPTI) December 10, 2019
وزیر اعظم عمران خان نے کہا کہ آج ہمیں دنیا کے شعور کو بیدار کرنے کے لیے آگے آنا ہوگا تاکہ اقوامِ متحدہ کی قراردادوں کی سنگین خلاف ورزیوں کی طرف توجہ دلا سکیں۔ مقبوضہ جموں و کشمیر میں انسانی حقوق کی سنگین خلاف ورزیاں آج بھی جاری ہیں۔ ہم کشمیر پر بھارتی قبضے اور مسلسل 4 ماہ سے زائد وقت سے جاری کرفیو کی شدید مذمت کرتے ہیں۔
عمران خان نے کہا کہ بھارت نے کشمیر میں بد ترین کرفیو نافذ کررکھا ہے۔ ہم عالمی برادری سے مطالبہ کرتے ہیں کہ کشمیری عوام، خواتین اور بچوں کے ساتھ بد ترین ظلم و ستم اور تکلیف دہ حالات کے خلاف اقدامات اٹھائیں۔ کشمیر میں قابض بھارتی فوج بین الاقوامی انسانی حقوق کے قوانین کی سنگین خلاف ورزیوں میں ملوث ہیں۔
انہوں نے مقبوضہ کشمیر میں تاریخِ انسانی کے طویل اور بد ترین کرفیو کی شدید مذمت کرتے ہوئے کہا کہ ہم کشمیریوں کی جدوجہد اور حقِ خود ارادیت کی خاطر جدوجہد کو سلام پیش کرتے ہیں اور انسانی حقوق کے حصول کی جدوجہد میں پاکستان ہمیشہ کشمیر کا ساتھ دیتا رہے گا۔
an end to the gross abuse & atrocities being inflicted on Kashmiri men, women & children by Indian Occupation forces in violation of all Int Humanitarian & Human Rights Laws. We salute & stand resolutely with the brave Kashmiris struggling for their right of self determination
— Imran Khan (@ImranKhanPTI) December 10, 2019
یاد رہے کہ آج مقبوضہ جموں و کشمیر میں انسانی حقوق کا عالمی دن یوم سیاہ کے طورپرمنایا جا رہا ہے جس کامقصد عالمی برداری کی توجہ کشمیر میں انسانی حقوق کی سنگین خلاف ورزیوں اور بھارتی جارحیت کی جانب مبذول کرانا ہے۔
کشمیرمیڈیاسروس کے مطابق یومِ انسانی حقوق یومِ سیاہ کے طور پر منانے کی اپیل گزشتہ روز کل جماعتی حریت کانفرنس کے چیئرمین اور سینئر حریت رہنما سید علی گیلانی نے کی۔ یہ دن دنیا بھر میں اقوام متحدہ کی جنرل اسمبلی کی طرف سے 10دسمبر 1948کو انسانی حقوق کے عالمی اعلامیہ کی منظوری کی یاد میں منایا جاتا ہے جو اقوام متحدہ کی ایک بڑی کامیابی تھی۔
مزید پڑھیں: کشمیر میں آج انسانی حقوق کا دن یوم سیاہ کے طورپر منایا جائے گا
