اسلام آباد: وزیراعظم کی معاون خصوصی برائے اطلاعات و نشریات فردوس عاشق اعوان کا کہنا ہے کہ نواز شریف واپس نہیں آئے تو اشتہاری قرار دیے جائیں گے، لندن کی سڑکیں مانپنے سے بیماری کا تعین نہیں ہوگا بلکہ میڈیکل رپورٹ سےہوگا۔
اسلام آباد میں وفاقی کابینہ کے اجلاس کے بعد میڈیا سے گفتگو کرتے ہوئے فردوس عاشق اعوان کا کہناتھا کہ نوازشریف قانونی طور پر مفرور ہیں اور واپس نہیں آئے تو اشتہاری قرار دیے جائیں گے۔
فردوس عاشق اعوان نے کہا کہ اگر کوئی شخص میڈیکل کی بنیاد پر ضمانت لیتا ہے اور پھر وہ میڈیکل رپورٹ دینے سے قاصر ہے تو وہی بورڈ ان کی رپورٹس کو غیر تسلی بخش قرار دیتا ہےتو اس کا مطلب ہے کہ نواز شریف قانونی طور پر مفرور ہیں۔
انہوں نے کہا کہ ہم پرامید ہیں کہ قانون انہیں بلارہا اور وہ ہسپتال جس مقصد کے لیے گئے وہ مقصد انہوں نے پورا نہیں کیا، لیگی ترجمانوں زبانیں پلیٹلیٹس کی تعداد کو گنواتے گنواتے خشک ہوجاتی تھیں،ابھی ان زبانوں پر کیسی تالا بندی ہے کہ وہ ہسپتال کانام بھی نہیں بتارہے۔
معاون خصوصی نے کہا کہ راناثناللہ کہہ رہے تھے آج ان کی سرجری ہے، پلیٹلیٹس کی کمی و بیشی بریکنگ نیوز میں مسلسل چلتی تھی، یہ ایسی کون سی پراسرار سرجری ہے کہ اس ہسپتال کا بھی کسی کو پتہ نہیں ہے۔
فردوش عاشق اعوان نے شہباز شریف کے بیان پر ردعمل دیتے ہوئے کہا کہ کم ظرفی یہ ہے کہ آپ پلیٹلیٹس کی صورت حال سے قوم کو آگاہ کرنے کے بجائے آپ ریسٹورنٹ میں چمچیں اور پلیٹوں کی کھنک قوم کو سنا رہے تھے۔
یہ بھی پڑھیں: نوازشریف کی ضمانت میں توسیع نہ کرنا اقدام قتل کے مترادف ہے، شہباز شریف