اسلام آباد: وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ نریندر مودی بھاری اسلحے کے باوجود پاکستان کے سامنے بے بس ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی فردوس عاشق اعوان نے کہا کہ مودی کا انتہا پسند متعصبانہ نظریہ عمران خان کی امن کی سوچ سے شکست کھا چکا ہے۔
پیغام میں فردوس عاشق اعوان نے کہا کہ امریکی صدر ٹرمپ کابیان پاکستان کو دہشت گردی سےجوڑنےکی مذموم بھارتی کوشش پر کاری ضرب ہے۔
وزیر اعظم کی تعریف کرتے ہوئے معاونِ خصوصی فردوس عاشق اعوان نے کہا کہ مودی اسلحے کے انبار اور بارود کے ڈھیر خرید کر بھی عمران خان کی کامیاب سفارتکاری کے سامنے بے بس دکھائی دے رہا ہے۔
مودی کا انتہا پسند متعصبانہ نظریہ عمران خان کی امن کی سوچ سے شکست کھا چکا ہے۔صدر ٹرمپ کابیان پاکستان کو دہشت گردی سےجوڑنےکی مذموم بھارتی کوشش پر کاری ضرب ہے۔مودی اسلحے کے انبار اور بارود کے ڈھیر خرید کر بھی عمران خان کی کامیاب سفارتکاری کے سامنے بے بس دکھائی دے رہا ہے۔
— Dr. Firdous Ashiq Awan (@Dr_FirdousAwan) February 26, 2020
معاونِ خصوصی فردوس عاشق اعوان نے کہا کہ کشمیریوں پرظلم نے عالمی ضمیر جھنجھوڑ کر رکھ دیا ہے۔ٹرمپ کا یہ بیان ثبوت ہے کہ کشمیر ایک مسلمہ عالمی تنازعہ ہے۔
ڈاکٹر فردوس عاشق اعوان نے کہا کہ خونِ ناحق پر پوری دنیا کا آواز بلند کرنا خوش آئندہے۔عالمی برادری سلامتی کونسل کی قراردادوں اور کشمیری عوام کی امنگوں کے مطابق ان کا جمہوری و قانونی حق دلوائے۔
کشمیریوں پرظلم نے عالمی ضمیر جھنجھوڑ کر رکھ دیا ہے۔ٹرمپ کا یہ بیان ثبوت ہے کہ کشمیر ایک مسلمہ عالمی تنازعہ ہے۔خون ناحق پر پوری دنیا کا آواز بلند کرنا خوش آئندہے۔عالمی برادری سلامتی کونسل کی قراردادوں اور کشمیری عوام کی امنگوں کے مطابق ان کا جمہوری و قانونی حق دلوائے۔
— Dr. Firdous Ashiq Awan (@Dr_FirdousAwan) February 26, 2020
فردوس عاشق اعوان نے کہا کہ ہندوستان “ہندتوستان” میں تبدیل ہو چکا ہے۔صدرٹرمپ کی موجودگی میں مسلمانوں پر بہیمانہ تشدداور قتل عام بھارتی قیادت کی فسطائی و مجرمانہ سوچ کو پوری دنیا پرعیاں کررہا ہے۔
انہوں نے کہا کہ تحریکِ انصاف کی حکومت میں وزیراعظم عمران خان کی قیادت میں پاکستان کا دنیا بھرمیں پرامن اور رواداری پرمبنی معاشرے کا تاثرابھر رہا ہے۔
ہندوستان "ہندتوستان" میں تبدیل ہو چکا ہے۔صدرٹرمپ کی موجودگی میں مسلمانوں پر بہیمانہ تشدداور قتل عام بھارتی قیادت کی فسطائی و مجرمانہ سوچ کو پوری دنیا پرعیاں کررہا ہے۔جبکہ وزیراعظم عمران خان کی قیادت میں پاکستان کا دنیا بھرمیں پرامن اور رواداری پرمبنی معاشرے کا تاثرابھر رہا ہے۔
— Dr. Firdous Ashiq Awan (@Dr_FirdousAwan) February 26, 2020
یاد رہے کہ اس سے قبل پاکستان نے کہا ہے کہ اگر بھارت میں ہندوتوا کی پرتشدد کارروائیاں بند نہ ہوئیں تو بھارت کے ٹکڑے ہوجائیں گے جو مودی کے لیے انتہائی شرم کا مقام ہے۔
ٹوئٹر پر اپنے پیغام میں وفاقی وزیر برائے پارلیمانی امور علی محمد خان نے کہا کہ بھارت میں پرتشدد واقعات کا رونما ہونا بھارت کے لیے شرمندگی کا باعث ہے۔
مزید پڑھیں: ہندوتوا کے باعث بھارت کے ٹکڑے ہوجائیں گے۔پاکستان