گوگل نیوز پر ہمیں فالو کریںراولپنڈی :تھانہ ایئرپورٹ کے علاقے گلریز کالونی کے رہائشی انور مسیح کی بارہ سالہ نابالغ بیٹی کے اغواء کا مقدمہ درج، پولیس کی ملزمان کے ساتھ سازباز،کیس دبانے کی کوشش،متاثرین نے حکومت سے مدد مانگ لی۔
مغویہ کے والدین کا کہنا ہے کہ ایم ایم نیوز کی خبر پر ہمارا مقدمہ تودرج کرلیا گیا ہے لیکن تا حال ہماری بچی بازیاب نہیں ہو سکی ،تھانے میں تعینات تفتیشی آفیسر طارق محمود گوندل اس کیس کو دبانے کی کوشش کررہا ہے۔
انور مسیح کا کہنا ہے کہ تفتیشی افسر نے ملزمان کیساتھ گٹھ جوڑ کرلیا ہے اور طارق محمود گوندل بچی کی بازیابی کے بجائے ملزمان کے ساتھ صلح کرنے پر مجبور کررہا ہے، ان کا کہنا ہے کہ مقدمہ میں نامزد ملزم فاضل حسین اور طارق گوندل آپس میں ملے ہوئے ہیں جس کی وجہ سے تفتیشی افسر مقدمہ کو خراب کرنے کی کوشش کررہا ہے۔
متاثرین کا کہنا ہے کہ تفتیشی افسر طارق محمود گوندل نے اعلیٰ حکام کے نوٹس کے باوجود کیس کو لٹکایا ہوا ہے، ان کا کہنا ہے کہ سی پی او راولپنڈی کو درخواست دینے کے باوجود معاملہ ہنوز حل طلب ہے۔
مزید پڑھیں:راولپنڈی پولیس کی ملی بھگت، 2 خطرناک مجرم ائیرپورٹ کی حوالات سے فرار
