گوگل نیوز پر ہمیں فالو کریںوزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ ن لیگ ترجمانوں کی نیب ترمیمی آرڈیننس پر سیاست افسوسناک ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی برائے اطلاعات فردوس عاشق اعوان نے کہا کہ آئے روز نیب کے خلاف محاذ کھولنے والے ترجمانوں کا سیاست کرنا قابلِ افسوس جبکہ وزیر اعظم عمران خان کا دامن صاف ہے۔
معاونِ خصوصی اطلاعات فردوس عاشق اعوان نے کہا کہ وزیر اعظم عمران خان کو احتساب کا کوئی خوف نہیں جبکہ (ملک کی) سب سے بڑی عدالت (سپریم کورٹ) نے انہیں صادق اور امین قرار دیا۔
عمران خان کی تعریف کرتے ہوئے معاونِ خصوصی اطلاعات فردوس عاشق اعوان نے کہا کہ وزیر اعظم کے بد ترین سیاسی مخالف بھی ان پر بدعنواین کا الزام لگانے میں ناکام ہیں اور آئندہ بھی رہیں گے۔
ان کے بدترین سیاسی مخالف بھی ان پر کرپشن کا الزام لگانے میں ناکام رہے اور رہینگے۔
2/2— Dr. Firdous Ashiq Awan (@Dr_FirdousAwan) December 29, 2019
ڈاکٹر فردوس عاشق اعوان نے کہا کہ وزیر اعظم عمران خان کا بدعنوانی کے خلاف جہاد بھرپور قوت سے جاری ہے جبکہ قومی احتساب بیورو (نیب) کا کام بدعنوانی کے بڑے مقدمات (میگا کرپشن اسکینڈلز) کے خلاف کارروائی کرنا ہے۔
فردوس عاشق اعوان نے کہا کہ وزیر اعظم عمران خان کے دورِ حکومت اور رہنمائی میں قومی احتساب بیورو( نیب) بدعنوانی کیسز نمٹانے کا عمل اور بھی قوت سے انجام دے گا۔
عمران خان کا کرپشن کے خلاف جہاد بھرپور قوت سے جاری ہے۔نیب کا کام میگا کرپشن اسکینڈلز کے خلاف کارروائی عمل میں لانا ہے اور یہ کام نیب اور بھی قوت سے انجام دے گا۔
— Dr. Firdous Ashiq Awan (@Dr_FirdousAwan) December 29, 2019
انہوں نے کہا کہ ایسے سرکاری ملازمین کے خلاف ضرور کارروائی ہوگی جنہوں نے طریقہ کار کی غلطیوں یا محکمانہ نقائص سے ذاتی مفادات حاصل کیے ہوں۔
ٹوئٹر پیغام میں ان کا کہنا تھا کہ اختیارات کا ناجائز استعمال کرتے ہوئے اثاثہ جات میں بے پناہ اضافہ کرنے والے پبلک آفس ہولڈرز کارروائی سے مستثنیٰ قرار نہیں دئیے جاسکتے۔
ایسے سرکاری ملازمین کے خلاف ضرور کارروائی ہوگی جنہوں نے طریقہ کار کی غلطیوں یا محکمانہ نقائص سے ذاتی مفادات حاصل کئے ہونگے۔اختیارات کا ناجائز استعمال کرتے ہوئے اثاثہ جات میں بے پناہ اضافہ رکھنےوالے پبلک آفس ہولڈرز کاروائی سے ہرگز مبرا نہیں۔
— Dr. Firdous Ashiq Awan (@Dr_FirdousAwan) December 29, 2019
نیب ترمیمی آرڈیننس کے حوالے سے فردوس عاشق اعوان نے کہا کہ آرڈیننس کے تحت دیانتدار سرکاری آفس ہولڈرز بلا خوف و خطر عوامی مفاد میں فیصلے کرسکیں گے اور اپنی قانونی ذمہ داریاں انجام دے سکیں گے۔
آرڈیننس کے فوائد بتاتے ہوئے انہوں نے کہا کہ نیب ترمیمی آرڈیننس سے گورننس مزید فعال ہوگی اور ملک کی معیشت میں استحکام آئے گا، جبکہ تجارتی ماحول سازگار بھی ہوگا۔
آرڈیننس کے تحت دیانتدار پبلک آفس ہولڈرز بلا خوف وخطر عوامی مفاد میں فیصلے کرسکیں گے اور اپنی قانونی ذمہ داریاں انجام دیں سکیں گے۔اس سے گورننس مزید فعال، معیشت مستحکم اور تجارتی ماحول ساز گار ہوگا۔
— Dr. Firdous Ashiq Awan (@Dr_FirdousAwan) December 29, 2019
یاد رہے کہ اس سے قبل وزیر اعظم کی معاون خصوصی برائے اطلاعات فردوس عاشق اعوان کا کہنا ہے کہ اپنے گھر لاڑکانہ سے شکست کھانے والوں کے منہ سے نئے سال میں نئے الیکشن کی بات مضحکہ خیز اور بی بی شہید کے فلسفے کی نفی ہے۔
ٹوئٹر پرگزشتہ روز اپنے پیغام میں فردوس عاشق اعوان کاکہناتھا کہ بلاول صاحب! 2020 عوامی خوشحالی اور قومی ترقی کا سال ہوگا، اپنے گھر سے شکست کھانے والوں کے منہ سے نئے الیکشن کی بات مضحکہ خیز اور بی بی شہید کے فلسفے کی نفی ہے۔
مزید پڑھیں: حالیہ شکست کرپشن کے خلاف اعلان بغاوت ہے، فردوس عاشق اعوان
