لاہور: پنجاب میں شوہر کی طرف سے بیٹی پیدا ہونے پر طلاق کی دھمکی پر ماں اپنی دو دن کی بچی کو مسجد کے دروازے پر چھوڑ آئی۔
تفصیلات کے مطابق مسجد اہلحدیث کنگن پور ضلع قصور کے قاری صاحب نے اعلان کیا کہ مسجد کے سامنے سے دو دن کی بچی ملی ہے، جس کے پاس ایک پرچی بھی پڑی تھی، جس پر لکھا تھا کہ میرے خاوند نے بولا ہے کہ اگر بچی پیدا ہوئی تو میں تمہیں طلاق دے دو ں گا، طلاق کے ڈر سے میں بچی کو چھوڑ کے جارہی ہوں، اسے کوئی بھی اپنا سکتا ہے۔
یاد رہے کہ دو ماہ قبل میانوالی میں 7 دن کی بچی کو باپ شاہ زیب نے قتل کر دیا تھا، میانوالی کے شاہ زیب نے بیوی کو کہہ رکھا تھا کہ اگر پہلی اولاد بیٹی ہوئی تو میں مار دوں گا۔
بچی کی پیدائش کے بعد موقع ملتے ہی ملزم نے پستول کے 4 فائر سات دن کی کمزور بچی کے جسم میں اتار دیے اور اعتراف کرلیا تھا کہ مجھے پہلی اولاد بیٹا نہ ہونے کا رنج تھا۔
یہ بھی پڑھیں: نارووال، درجنوں ڈکیتیوں میں ملوث 6 رکنی گینگ سرغنہ سمیت قتل