گوگل نیوز پر ہمیں فالو کریںوفاقی دارالحکومت اسلام آباد سمیت ملک کے مختلف شہروں میں لوڈ شیڈنگ کا دورانیہ طویل ہوگیا جبکہ ملکی سطح پر بجلی کا شارٹ فال 6000میگا واٹ سے زائد ہے۔
تفصیلات کے مطابق ملک بھر میں وزیر اعظم میاں شہباز شریف کی واضح ہدایات کے باوجود لوڈ شیڈنگ کا مسئلہ حل نہ ہوسکا۔ پشاور اور کوئٹہ میں 10، 10 گھنٹوں کی لوڈ شیڈنگ کی جارہی ہے۔
مفتاح اسماعیل نے پیٹرول کی قیمتوں میں اضافے کے امکان کو مسترد کردیا
پنجاب کے صوبائی دارالحکومت لاہور میں بجلی کی لوڈ شیڈنگ کا دورانیہ 7 سے 8 گھنٹے روزانہ تک جا پہنچا۔ اسلام آباد میں بھی 6 سے 8 گھنٹوں کی لوڈ شیڈنگ روزانہ کی بنیاد پر جاری ہے۔
لیسکو حکام کا کہنا ہے کہ صوبے میں بجلی کی طلب 5 ہزار 500 جبکہ رسد 4 ہزار 650 میگا واٹ تک ہے جبکہ حکومت کی جانب سے لوڈ شیڈنگ کا دورانیہ 2 گھنٹے تک لانے کا دعویٰ کیا گیا۔
گزشتہ روز وفاقی وزیرِ اطلاعات مریم اورنگزیب نے کہا کہ 30 جون تک بجلی کی لوڈ شیڈنگ کا دورانیہ صرف 2گھنٹے رہ جائے گا جبکہ 16 سے 24جون تک بجلی 3 گھنٹے کیلئے ہی جایا کرے گی۔
سابق وزیرِ توانائی حماد اظہر کا کہنا ہے کہ حکومت نے توانائی کے شعبے سمیت قومی سلامتی کو داؤ پر لگا دیا ہے۔ روزانہ 6 وزراء آتے ہیں اور 6 جھوٹ بولتے ہیں۔ یہ دعا کر رہے ہیں کہ بارش ہوجائے اور لوڈ شیڈنگ ختم ہو۔
