نیویارک: انٹرنیٹ پر شراکتی چندے کی مشہور ویب سائٹ انڈی گوگو پر ماحول دوست اور سبز اسمارٹ فون کے لئے مدد کی مہم شروع کی گئی تو صرف چار گھنٹے میں ہی اس پروجیکٹ کی مطلوبہ رقم جمع ہوگئی جو ایک بہت بڑی کامیابی ہے۔
تفصیلات کے مطابق ٹیراکیوب ٹو ای کے پروٹوٹائپ پر کام شروع کردیا گیا ہے۔ اس سے قبل یہ کمپنی ٹیراکیوب ون بھی پیش کرچکی ہے۔ اس کی بیٹری بار بار بدلی جاسکتی ہے۔ فون کے اکثر اجزا ری سائیکل (دوبارہ بنائےتیار) ہونے کے قابل ہیں۔ اس کا بیرونی خول بھی دھیرے دھیرے گھل کر ختم ہوجاتا ہے اور مکمل طور پر بایوڈیگریڈایبل ہے۔ اس کی سب سے اہم بات یہ ہے کہ خراب ہونے کی صورت میں آپ خود اس کی مرمت بھی کرسکتے ہیں۔
اس بار ٹیراکیوب ٹوای خریدنے پر چار سال کی گارنٹی دی جارہی ہے لیکن یہ مخصوص ممالک کے لیے ہوگی جن میں جرمنی، فرانس، اٹلی، اسپین، ہالینڈ، پولینڈ اور سنگاپور شامل ہیں۔ اس میں بیٹری کو فون کا حصہ نہیں بنایا گیا ہے۔ یہ بیٹری بار بار تبدیل کی جاسکتی ہیں اور آپ کمپنی سے اضافی بیٹری خرید کر رکھی جاسکتی ہیں۔ 4000 ایم اے ایچ کی بیٹری ایک مرتبہ چارج ہونے پر دو دن تک چل سکتی ہے۔
اس فون کو کچھ ایسے ڈیزائن کیا گیا ہے کہ اس کے بڑے مسائل آپ خود ٹھیک کرسکتے ہیں۔ مرمت کی یہ تربیت خود کمپنی بھی فراہم کرے گی یعنی اس کے بعض حصے ازخود الگ ہوسکتے ہیں اور یوں آپ اسے ٹھیک بھی کرسکتےہیں۔ دوسری اہم بات یہ ہے کہ اسمارٹ فون فضول کی بھاری بھرکم پلاسٹک اور دیگر اجزا کی پیکنگ میں بند ہوتے ہیں جبکہ اس کے ساتھ ایسا نہیں ہیں۔ ٹیراکیوب ٹوای کی پیکنگ بھی دیگراسمارٹ فون کے مقابلے میں نصف ہے۔
پیکنگ کا ڈبہ ری سائیکل شدہ کاغذ سے تیار کیا گیا ہے اور اس پر ماحول دوست روشنائی سے نام چھاپا گیا ہے۔ اس سے کاربن ڈائی آکسائیڈ کا اخراج کم ہوتا ہے اور ماحول پر بوجھ کم ہوتا ہے۔ سبزفون کو کسی بھی یوایس بی سی چارجر سے چارج کیا جاسکتا ہے۔کمپنی کی جانب سے فون کی تعارفی قیمت 169 ڈالر رکھی گئی ہے۔
گوگل نیوز پر ہمیں فالو کریں
