جنیوا: اقوامِ متحدہ کے جنرل سیکریٹری انتونیو گوتریس نے کہا ہے کہ کورونا وائرس نے دُنیا بھر میں سیر و سیاحت کی صنعت کو بے پناہ نقصان پہنچایا ہے۔
سماجی رابطے کی ویب سائٹ ٹوئٹر پر اپنے پیغام میں اقوامِ متحدہ کے جنرل سیکریٹری انتونیو گوتریس نے کہا کہ سیاحت کا شعبہ قدرتی و ثقافتی وراثت کو محفوظ رکھنے کیلئے کلیدی اہمیت کا حامل ہے تاہم کورونا وائرس کے باعث مختلف ممالک کی آمدنی میں کمی ہوئی۔
پیغام میں اقوامِ متحدہ کے جنرل سیکریٹری نے کہا کہ کورونا وائرس کے باعث غیر قانونی سرگرمیاں، غیر قانونی شکار اور رہائش گاہوں کی تباہی بڑھی اور دنیا بھر کے بہت سے ثقافتی مقامات بند ہو گئے۔
انتونیو گوتریس نے کہا کہ اقوامِ متحدہ کی خواہش ہے کہ دنیا بھر میں سیر و سیاحت کے شعبے کی بحالی کیلئے کام کیا جائے جس کیلئے ہم نے تجاویز تیار کی ہیں۔ شعبۂ سیاحت کی تعمیرِ نو ضروری ہے۔
Tourism is key for natural & cultural heritage conservation, but a decrease in revenues due to #COVID19 has led to increased poaching, habitat destruction & the closure of many World Heritage Sites.
The @UN’s recommendations to help tourism recover. https://t.co/mfpWatH8FP
— António Guterres (@antonioguterres) August 31, 2020