گوگل نیوز پر ہمیں فالو کریںاداکارہ عائزہ خان بھی متحدہ عرب امارات سے گولڈن ویزا حاصل کرنے والی مشہور شخصیات کی فہرست میں شامل ہوگئیں۔
اداکارہ نے یہ خوشخبری اپنے مداحوں کے ساتھ شیئر کرتے ہوئے بتایا کہ کہ انہیں متحدہ عرب امارات کی جانب سے گولڈن ویزا دیا گیا ہے۔
عائزہ خان نے گولڈن ویزا حاصل کرنے کی ایک تصویر اس کیپشن کے ساتھ پوسٹ کی کہ “وہ ناقابل فراموش لمحات جو میں نے دبئی میں گزارے ہیں، چاہے وہ چھٹیوں پر ہوں یا کام پر یا دنیا بھر میں کوئی اور تجربہ۔
“
عائزہ خان نے کہا کہ دبئی ہمیشہ رابطے اور ہم آہنگی کا احساس فراہم کرتا ہے، جب بھی یہاں آتی ہوں تو ماحول گھر جیسا محسوس ہوتا ہے۔ اداکارہ نے امارات حکومت کا شکریہ ادا کرتے ہوئے کہا کہ اب ان کے پاس دبئی کا مسلسل دورہ کرنے کی ایک معقول وجہ ہے۔
واضح رہے کہ امارات حکومت کی جانب سے مختلف مشہور شخصیات کو گولڈن ویزا دینے کا سلسلہ جاری ہے،متحدہ عرب امارات کا گولڈن ویزا حاصل کرنے والی دیگر مشہور شخصیات میں اداکار عمران عباس، یشما گل اور ہاجرہ یامین شامل ہیں۔
مشہور جوڑوں میں ثنا جاوید اور عمیر جیسوال کے علاوہ اقرا عزیز اور ان کے شوہر یاسر حسین بھی شامل ہیں جبکہ اب امارات حکومت نے عائزہ خان کو بھی ان اہم شخصیات میں شمار کرتے ہوئے گولڈن ویزا سے نواز دیا ہے۔
