گوگل نیوز پر ہمیں فالو کریںپاکستانی فلم انڈسٹری کی معروف اداکارہ عائشہ عمر بھی مہوش حیات کے اشتہار پر لگائی گئی پابندی پر خاموش نہ رہ سکیں اور کھل کر تنقید کرتے ہوئے حکومتِ وقت اور پیمرا کیلئے نئے سوالات کھڑے کردئیے۔
سماجی رابطے کی ویب سائٹ ٹوئٹر پر گزشتہ روز اپنے پیغام میں اداکارہ عائشہ عمر نے کہا کہ مجھے حیرت ہو رہی ہے کہ آخر اچانک ایسا کیا ہوا؟ کیا ہمارے معاشرے سے دوسری برائیاں ختم ہو گئی ہیں جن پر توجہ دی جائے اور انہیں روکا جائے؟َ
پیغام میں اداکارہ عائشہ عمر نے کہا کہ کیا ہم اِس موضوع پر بات نہیں کرسکتے کہ پاکستان میں بچوں کے ساتھ جنسی زیادتی اور استحصال کیوں ہو رہا ہے اور ایسے بد ترین جرم کو کیسے روکا جائے؟
اداکارہ عائشہ عمر نے پیمرا کے دوہرے معیار کی نشاندہی کرتے ہوئے سوال کیا کہ کیا موبائل فون، موبائل نیٹ ورک، سافٹ ڈرنکس، سوڈا، جوس، انرجی ڈرنکس اور دیگر بیوریج کے ساتھ ساتھ صابن، کریموں اور دیگر اشتہارات میں رقص ٹھیک ہے؟
عائشہ عمر نے سوال کیا کہ چائے، خشک دودھ، واشنگ پاؤڈر، سپاری، آئس کریم، سگریٹ اور دیگر برانڈز کے اشتہارات میں بھی کیا رقص درست ہے جس میں دیگر بسکٹ بھی شامل ہیں؟ لیکن صرف اسی ایک کمپنی کا بسکٹ شامل نہیں (جس کے اشتہار پر مہوش حیات نے رقص کیا)۔
I’m wondering what suddenly happened here? Have we run out of other evils in our society to focus on and put a stop to? Can we talk about how to stop child rape and child abuse instead?
— Ayesha Omar (@ayesha_m_omar) October 7, 2020
یاد رہے کہ اِس سے قبل پاکستانی اداکارہ اُشنا شاہ بسکٹ کے اشتہار پر تنقید کے بعد مہوش حیات کی حمایت کیلئے میدان میں آگئیں۔
اشنا شاہ کا گزشتہ روز کہنا تھا کہ مہوش حیات مکمل لباس میں ہیں، یہ رقص فحش نہیں ہے ، اور بھی بہت سے مسائل ہیں کوئی ان کے بارے میں بات کیوں نہیں کرتا؟
مزید پڑھیں: مہوش حیات نے رقص کے دوران مکمل کپڑے پہنے۔اشنا شاہ
