گوگل نیوز پر ہمیں فالو کریںنیویارک: امریکا نے پاکستان کو روس سے رعایتی نرخوں پر تیل خریدنے کی اجازت دے دی ۔
امریکی محکمہ خارجہ کے ترجمان نیڈ پرائس نے میڈیا بریفنگ میں کہا کہ روسی پیٹرولیم مصنوعات پر پرائس کیپ (قیمتوں کی حد) پر دستخط نہ کرنے کے باوجود پاکستان روس سے رعایتی نرخوں پر تیل خرید سکتا ہے۔
انہوں نے کہا کہ پاکستان ان رعایت سے بھی فائدہ اٹھاسکتا ہے جو امریکا نے دوسرے ممالک کو دی ہے۔ ہم نے مختلف ممالک کو اس سے فائدہ اٹھانے کی ترغیب دی ہے، حتیٰ کہ ان ممالک کو بھی جنہوں نے قیمتوں کی حد (پرائس کیپ) پر باضابطہ طور پر دستخط نہیں کیے تاکہ وہ دوسرے ممالک کے بجائے بعض صورتوں میں روس سے بڑی رعایت پر تیل خرید سکیں۔
امریکی محکمہ خارجہ نے مزید کہا کہ امریکا نے جی 7 سمیت دیگر ممالک کے ساتھ مل کر روس سے تیل کی خریداری کے بارے میں (قیمت کی حد پر) پرائس کیپ کا طریقہ کار اپنایا ہے۔ پرائس کیپ کا فائدہ یہ ہوگا کہ اس سے روس کو ریونیو سے محروم رکھنے کے باوجود توانائی کی منڈیوں کو وسائل حاصل ہوں گے جبکہ روس کو یوکرین کے خلاف جنگ جاری رکھنے کے لیے تیل سے ہونے والی آمدن کی ضرورت ہو گی۔
60 لاکھ پاکستانی غذائی عدم تحفظ کا شکار ہیں، عالمی بینک
روسی تیل پر پابندی عائد نہیں کرنے کے بارے میں نیڈ پرائس نے کہا کہ ہم نے جان بوجھ کر روسی تیل پر پابندی عائد نہیں کی بلکہ اب یہ پرائس کیپ کا معاملہ ہے، امریکا واضح طور پر کہہ چکا ہے کہ یہ وقت روس کے ساتھ اقتصادی سرگرمیاں بڑھانے کا نہیں ہے۔ ہمارا ماننا ہے کہ توانائی کی عالمی منڈیوں میں وسائل کی موجودگی اور انہیں اچھی طرح سپلائی کرنے ضرورت ہے اور ہم یہ بھی سمجھتے ہیں کہ پرائس کیپ ان مقاصد کے حصول کے لیے طریقہ کار فراہم کرتا ہے۔
واضح رہے کہ 3 دسمبر 2022 کو جی 7 اور یوپی یونین کے ممالک نے روسی تیل کی فی بیرل کیپ 60 ڈالر مقرر کی تھی، تاکہ ماسکو کو اس سے حاصل ہونے والی آمدنی کو یوکرین کے خلاف جنگ میں استعمال کرنے سے روکا جاسکے، جبکہ رواں ماہ روس کا اعلیٰ سطح کے وفد نے پاکستان کا دورہ بھی کیا ہے۔
دورے کے دوران روسی وفد نے پاکستان کو سستے داموں تیل اور گیس فراہمی پر اتفاق کیا، بلکہ ساتھ ہی پاکستان کومقامی سطح پر توانائی ذخائر کی تلاش میں جدید معاونت بھی فراہم کرنے کا یقین دلایا۔
حکام کے مطابق پاکستان اپنی ضرورت کیلئے خام تیل کا ایک تہائی حصہ جبکہ تیار ڈیزل اور پیٹرول 50 فیصد روس سے خریدنے کا خواہاں ہے، پاکستان کو عالمی مارکیٹ کے مقابلے میں روس سے 30 تا 40 فیصد سستا خام تیل ملے گا۔
