گوگل نیوز پر ہمیں فالو کریںاقوام متحدہ میں پاکستان کے مستقل مندوب منیر اکرم نے کہا ہے کہ بی جے پی حکومت آر ایس ایس نظریے کو فروغ دے رہی ہے، بھارت خطے میں امن کے لیے سب سے بڑا خطرہ ہے۔
منیر اکرم نے بھارت میں ہندتوا انتہاپسندی اور مودی سرکار کی مسلم دشمن پالیسیوں کو بے نقاب کرتے ہوئے کہا ہے کہ بی جے پی حکومت آر ایس ایس کے نظریے کو فروغ دے رہی ہے جس کا مقصد بھارت کو ہندؤ ریاست بنانا ہے۔
منیر اکرم نے کہا کہ بھارت میں مسلم شناخت اور ورثے کو مٹایا جا رہا ہے، کشمیر میں بھارتی اقدامات ہندو تنگ نظری اور اسلام دشمنی کا نتیجہ ہیں، کشمیر میں بڑے پیمانے پر خون ریزی اور نسل کشی کا خطرہ ہے۔
ان کا کہنا تھا کہ بھارت میں فستائیت نظام رائج کر کے مسلم شناخت اور ورثے کو مٹایا جا رہا ہے، مودی سرکار اور آر ایس ایس نے دھونگ، تشدد اور تعصب سے تمام ریاستی مشینری پر تسلط جما لیا ہے۔
یہ بھی پڑھیں: شہریت سے متعلق متنازع مسلم مخالف بل بھارتی سپریم کورٹ میں چیلنج کردیا گیا
