کراچی کا موسم کیسا رہے گا، ایک اور پیش گوئی آگئی

شہر قائد کراچی میں ایک بار پھر سے سرد ہوائیں چلنے کے بعد محکمہ موسمیات نے نئی پیش گوئی جاری کی ہے۔

محکمہ موسمیات نے اپنی تازہ پیش گوئی میں کہا ہے کہ آئندہ 24 گھنٹوں کے دوران کراچی میں موسم خشک اور خنک رہنے کا امکان ہے۔

محکمہ موسمیات نے اپنے بیان میں مزید کہا ہے کہ شہر میں شمال مغرب سمت سے تیز ہوائیں چل سکتی ہیں جبکہ ہوا میں نمی کا تناسب 39 فیصد رہنے کا امکان ہے۔

کراچی میں سردی کا زور ختم، پنجاب بھر میں آج بارش متوقع

دوسری طرف محکمہ موسمیات کا بتانا ہے کہ جمعے کے دن کراچی کا کم سے کم درجہ حرارت 13.5 ڈگری سینٹی گریڈ ریکارڈ کیا گیا جبکہ آئندہ 24 گھنٹے کے دوران زیادہ سے زیادہ درجہ حرارت 25 سے 27 ڈگری سینٹی گریڈ تک رہنے کا امکان ہے۔

واضح رہے کہ کراچی میں سرد ہوائیں تھمنے سے دن اور رات کا درجہ حرارت بڑھنے لگا تھا۔ اب محکمہ موسمیات کے مطابق سرد ہواؤں نے جاتے جاتے ایک بار پھر پلٹ کر وار کردیا ہے۔