گوگل نیوز پر ہمیں فالو کریںبھارتی اداکارہ اور سوشل میڈیا انفلوئنسر مدینہ منورہ کی پر نور اور بابرکت فضاؤں میں نکاح کے بندھن میں بندھ گئیں، جس کی تصویریں اور ویڈیوز وائرل ہوگئیں۔
بگ باس او ٹی ٹی 3 سے شہرت حاصل کرنے والی اداکارہ ثنا سلطان نے محمد واجد سے نکاح کیا ہے۔ ان کے نکاح کی تقریب مدینہ منورہ میں ہوئی۔ سادگی سے کی گئی اس تقریب میں قریبی عزیز و اقارب نے شرکت کی۔
ثنا سلطان نے اپنی شادی کی تقریب کی تصاویر اپنے انسٹاگرام اکاؤنٹ پر شیئر کی ہیں اور ساتھ ہی طویل کیپشن بھی لکھا۔
اداکارہ نے اپنی پوسٹ میں اپنے شوہر کے بارے میں زیادہ کچھ نہیں بتایا مگر چند الفاظ کے ذریعے اپنی خوشی کا بھرپور اظہار کیا۔
انہوں نے لکھا کہ الحمداللّٰہ! میں عاجزی اور خوشی کے ساتھ شیئر کر رہی ہوں کہ مجھے مدینہ جیسی پاکیزہ اور مقدس جگہ پر اپنے واجد جی کے ساتھ نکاح کی سعادت حاصل ہوئی ہے۔
ثنا نے مزید لکھا کہ دوست سے زندگی کے ساتھی بننے کا ہمارا سفر محبت، صبر اور ایمان کا ثبوت ہے۔
اداکارہ کو ان کے دوستوں اور مداحوں کی جانب سے مبارکبادیں دینے کا سلسلہ بھی جاری ہے، اس کےعلاوہ متعدد سوشل میڈیا اسٹارز نے بھی اداکارہ کو نکاح کی مبارکباد دی۔
