کولمبو: سری لنکا کی معاشی حالت مزید ابتر ہوگئی، سری لنکا کے وزیر برائے بجلی اور توانائی کے مطابق ملک میں پیٹرول کا بہت کم ذخیرہ رہ گیا ہے اس لیے اب صرف ایمبولینس سروس کو جاری رکھنے کے لیے پیٹرول دیا جا سکتا ہے۔
بین الاقوامی میڈیا کے مطابق سری لنکا کے وزیر برائے بجلی اور توانائی نے پارلیمنٹ میں سوال کے جواب میں ارکان کو بتایا کہ کولمبو پورٹ پر پیٹرول شپمنٹ 28 مارچ سے موجود ہے لیکن پیٹرول شپمنٹس کی ادائیگی کیلئے رقم موجود نہیں ہے۔
انہوں نے کہا کہ ہم فنڈز تلاش کر رہے ہیں، جلد کوئی حل نکل آئے گا۔مالی بحران شدید تر ہوتاجا رہا ہے۔ پیٹرول کی خریداری کے لیے کریڈٹ لیٹرز کھولنا ہے جس کے لیے ڈالرز کی قلت ہے۔
وفاقی وزیر کا مزید کہنا تھا کہ اس ہفتے کے آخر تک پیٹرول دستیاب نہیں ہوگا۔ملک میں پیٹرول کا صرف اتنا ذخیرہ رہ گیا ہے جو ایمبولینس کے استعمال میں آئے گا۔ عوام سے درخواست ہے کہ پمپمس پر قطاریں نہ لگائیں۔
مزید پڑھیں:دنیا بھر میں موسمیاتی تبدیلی کے نئے ریکارڈ قائم، اقوامِ متحدہ کا اظہارِ تشویش