گوگل نیوز پر ہمیں فالو کریںممبئی: بالی ووڈ فلم انڈسٹری کے کنگ شاہ رخ خان کی آنے والی فلم پٹھان کی تشہیر دبئی کی برج خلیفہ عمارت پر کی جائیگی، فلم پٹھان میں شاہ رخ خان، دیپیکا پاڈوکون اور جان ابراہم مرکزی کردار نبھا رہے ہیں۔
بالی ووڈ کنگ خان شاہ رخ خان کی مووی پٹھان کا ٹریلر دنیا کی بلند ترین عمارت برج خلیفہ دبئی میں دکھایا جائے گا۔ شاہ رخ خان اس وقت مشرق وسطیٰ کے ممالک میں فلم کی بھرپور تشہیر میں مصروف عمل ہیں۔
شاہ رخ خان انٹرنیشنل لیگ ٹی۔20 کے درمیان اپنی فلم کے ٹریلر کی تشہیر کرتے بھی نظر آئے۔ اب وہ برج خلیفہ پر فلم پٹھان کا پروموشن کرتے نظر آئیں گے۔
نیلسن ڈی سوزا کا کہنا ہے کہ فلم ’پٹھان اپنے وقت کی سب سے زیادہ متوقع فلموں میں سے ایک ہے۔ اس فلم کو بہت بڑے پیمانے پر پروموشن ملنا چاہیے۔ ہمیں یہ اعلان کرتے ہوئے خوشی ہو رہی ہے کہ فلم پٹھان کا ٹریلر برج خلیفہ پر دکھایا جائے گا۔
شاہ رخ خان ان دنوں انٹرنیشنل ٹی۔20 کے لیے دبئی میں موجود ہیں۔ جب فلم کا ٹریلر چلایا جائے گا تو شاہ رخ خان بھی وہاں موجود ہوں گے۔ دبئی میں شاہ رخ خان کے مداحوں کی تعداد بہت زیادہ ہے۔
مزید پڑھیں:کیا آئمہ بیگ اور شہباز شگری کے تعلقات دوبار ہ بحال ہوگئے
فلم 25 جنوری کو ہندی، تامل اور تیلگو میں ریلیز کی جائے گی، پٹھان میں شاہ رخ خان، دیپیکا پڈوکون اور جان ابراہم، ڈمپل کپاڈیہ اور آشوتوش رانا نے بھی اہم کردار ادا کیے ہیں۔
