اسلام آباد: وفاقی وزیرِ تعلیم شفقت محمود نے کہا ہے کہ ہم ملک بھر میں امتحانات کے التواء کا شکار طلباء کے ساتھ ناانصافی نہیں ہونے دیں گے۔
سماجی رابطے کی ویب سائٹ ٹوئٹر پر اپنے پیغام میں وزیرِ تعلیم شفقت محمود نے کہا کہ ہم کسی بھی ایسے طالبِ علم کے ساتھ ناانصافی نہیں ہونے دیں گے جس کا امتحان ملتوی کردیا گیا ہو۔
وفاقی وزیرِ تعلیم شفقت محمود نے اورنگ زیب قریشی نامی سوشل میڈیا صارف کے پیغام پر ردِ عمل دیتے ہوئے یہ بات کہی جبکہ صارف نے او لیول کے طلباء سے متعلق شکایت کی جن کے امتحانات ملتوی ہوچکے ہیں۔
سوشل میڈیا صارف اورنگ زیب قریشی نے کہا کہ او لیول کے جن طلباء کے امتحانات اکتوبر تک ملتوی کیے گئے ہیں، ان کے اسکول والدین سے اکتوبر تک کی فیسیں مانگ رہے ہیں جس پر وزیرِ تعلیم شفقت محمود خاموش نہ رہ سکے۔
او لیول کے طلباء سے کیے جانے والے اسکولوں کے فیس کے مطالبے پر ردِ عمل دیتے ہوئے وزیرِ تعلیم نے کہا کہ او لیول سمیت جن طلباء و طالبات کے امتحانات ملتوی کردئیے گئے، ان کے ساتھ ناانصافی نہیں ہوگی۔
We will not allow any injustice to any student whose exams have been postponed. https://t.co/YuKm7UyxPU
— Shafqat Mahmood (@Shafqat_Mahmood) May 2, 2021
ایک اور سوشل میڈیا صارف سجاد علی نے کہا کہ مارچ سے زیادہ تر اسکولز بند ہیں۔ کیا والدین کو فیس میں کوئی رعایت نہیں دی جاسکتی؟ وزیرِ تعلیم شفقت محمود نے کہا کہ کسی کے ساتھ ناانصافی نہیں ہوگی، اِس معاملے پر بھی غور کریں گے۔
We will examine this matter. No injustice to anyone https://t.co/GdFLNFrCfz
— Shafqat Mahmood (@Shafqat_Mahmood) May 2, 2021
یہ بھی پڑھیں: وزارت تعلیم کا 15جون تک تمام امتحانات ملتوی کرنے کا اعلان