گوگل نیوز پر ہمیں فالو کریںاسلام آباد: وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ بہادر لوگوں کا ظلمت اور جبر کے خلاف آوازِ حق بلند کرنا تاریخ کا روشن باب رہا ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی فردوس عاشق اعوان نے کہا کہ بھارتی مسلمان خاتون صحافی رعنا ایوب نے جس دلیری سے اپنے پیشہ ورانہ فرائض انجام دئیے، وہ لائقِ تحسین ہے۔
بہادر لوگوں کا ظلمت اور جبر کےخلاف آواز حق بلند کرنا اور اسے للکارنا تاریخ کا ہمیشہ سے روشن اور یادگار باب رہا ہے۔ بھارتی مسلمان خاتون صحافی رانا ایوب نے جس دلیری سے اپنے پیشہ ورانہ فرائض انجام دئیے، وہ لائق تحسین ہے۔
3/1 pic.twitter.com/1ETwriKhMG— Dr. Firdous Ashiq Awan (@Dr_FirdousAwan) January 17, 2020
ٹوئٹر پیغام میں معاونِ خصوصی اطلاعات فردوس عاشق اعوان نے کہا کہ نڈر خاتون صحافی نے مودی کے فاشسٹ ایجنڈے اور بربریت کو بے نقاب کردیا۔ جیل میں تبدیل ہونے والی مقبوضہ وادی میں ذرائع ابلاغ پر پابندی عائد ہے۔
پیغام میں معاونِ خصوصی فردوس عاشق اعوان نے کہا کہ ذرائع مواصلات پر پابندیوں کے باوجود ایک صحافی کا فرائض نبھانا پیشہ ورانہ جرات کی عظیم مثال ہے۔
نڈر خاتون صحافی نے مودی کے فاشسٹ ایجنڈے اور بربریت کو بے نقاب کردیا۔جیل میں تبدیل ہونے والی مقبوضہ وادی میں انٹرنیٹ، موبائل فون، لینڈ لائن اور ذرائع ابلاغ کی پابندی ہے۔ ایسے میں ایک صحافی کا فرض نبھانا پروفیشنل ازم اور جرات کی عظیم مثال ہے۔3/2
— Dr. Firdous Ashiq Awan (@Dr_FirdousAwan) January 17, 2020
معاونِ خصوصی فردوس عاشق اعوان نے کہا کہ رعنا ایوب نے مودی حکومت کے مقبوضہ جموں و کشمیر میں سب اچھاہے کے جھوٹ کا پرچہ چاک کردیا۔
فردوس عاشق اعوان نے کہا کہ سری نگر میں پھیلے خوف کے سناٹے اور سنسان سڑکوں کی حقیقت رعنا ایوب نے پوری دنیا پر واضح کردی۔ بلڈ اینڈ سوئل اِن مودیز انڈیا نامی مضمون رعنا ایوب کی صلاحیتوں کا ثبوت ہے۔
راناایوب نے مودی حکومت کے مقبوضہ جموں و کشمیر میں سب اچھاہےکےجھوٹ کا پردہ چاک کردیا،سری نگرمیں پھیلے خوف کےسنّاٹے اور سنسان سڑکوں کی حقیقت پوری دنیاپر منکشف کردی۔نیویارکرجریدے میں شائع ہونے والامضمونBlood and Soil in Narendra Modi's Indiaراناایوب کی صلاحیتوں کاشانداراعتراف ہے3/3
— Dr. Firdous Ashiq Awan (@Dr_FirdousAwan) January 17, 2020
یاد رہے کہ اس سے قبل وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ حکومتی اقدامات کے اثرات کامیابیاں بن کر اُبھر رہے ہیں۔
اپنے پیغام میں تین روز قبل معاونِ خصوصی اطلاعات فردوس عاشق اعوان نے کہا کہ وزیراعظم عمران خان کی قیادت میں ملک و قوم کی خوشحالی کا عمل مزید قوت سے آگے بڑھے گا۔
مزید پڑھیں: حکومتی اقدامات کامیابیاں بن کر ابھر رہے ہیں۔معاونِ خصوصی
