گوگل نیوز پر ہمیں فالو کریںلاہور: وزیراعلیٰ پنجاب حمزہ شہباز شریف نے ہفتہ کو تمام شوگر ملوں کو چینی 70 روپے فی کلو فروخت کرنے کی ہدایت کردی۔
وزیراعلیٰ پنجاب کی ٹیم نے شوگر ملز ایسوسی ایشن سے بات چیت کی جس میں عوام کو ریلیف دینے کے لیے قیمتوں میں کمی پر تبادلہ خیال کیا گیا۔ حمزہ شہباز نے تمام شوگر ملز پر زور دیا کہ وہ چینی 70 روپے فی کلو فروخت کریں۔
اس حوالے سے شوگر ملز ایسوسی ایشن کو حتمی فیصلہ کرنے کے لیے 24 گھنٹے کا وقت دیا گیا ہے جب کہ شریف خاندان کی شوگر ملز کو بھی 70 روپے فی کلو چینی فروخت کرنے کی ہدایت کی گئی ہے۔
اس سے قبل وزیر اعظم شہباز شریف نے ملک میں اسٹاک اور اشیاء کی قیمتوں کو مستحکم کرنے کے لیے چینی کی برآمد پر مکمل پابندی عائد کر دی تھی۔
وزیراعظم آفس سے جاری بیان میں وزیراعظم شہباز شریف نے چینی کی اسمگلنگ کے خلاف سخت اقدامات کا حکم بھی دیا۔ انہوں نے کہا کہ سب سے پہلے لوگوں کی ضروریات کو پورا کرنا اور ملک میں چینی کی قیمتوں کو مستحکم کرنا ضروری ہے۔
مزید پڑھیں:ڈالر 193 روپے کی نئی بلند ترین سطح پر، ملبہ سابق حکومت پر ڈال دیا گیا
