اسلام آباد: پاکستان تحریکِ انصاف کے سینئر رہنما و سابق وفاقی وزیر بابر اعوان نے لاہور کے اورنج ٹرین منصوبے کے نقصانات گنواتے ہوئے کہا ہے کہ اس کا کریڈٹ شہباز شریف کو ملے گا۔
سماجی رابطے کی ویب سائٹ ٹوئٹر پر اپنے پیغام میں پی ٹی آئی رہنما بابر اعوان نے سوال و جواب کی صورت میں اورنج ٹرین منصوبے کی تفصیلات بیان کیں۔
سوال و جواب کی صورت میں تحریکِ انصاف رہنما بابر اعوان نے بتایا کہ اورنج ٹرین منصوبے کی قیمت 268 ارب روپے سالانہ جسے 11.5 ارب روپے سبسڈی بھی دینا ہوگی۔
پی ٹی آئی رہنما بابر اعوان نے سوال و جواب کی صورت میں بتایا کہ ادائیگی کا انٹرسٹ 6.5 بلین جبکہ لون ری پے منٹ 20 بلین سے زائد ہوگی۔
بابر اعوان نے بتایا کہ ٹیکس جمع کرنے اور عوام سے گالیاں کھانے کی مد میں تکلیف تحریکِ انصاف اور اگلی حکومتوں کو برداشت کرنا ہوگی جبکہ منصوبے کا کریڈٹ شہباز شریف لے جائیں گے۔
Q: Cost of Orange Train
A: Rs 268B per Year
Operational Subsidy = 11.5B
Interest Payment = 6.5B
Loan Repayment = 20B+Q: Who will pay it by collecting tax & getting abused
A:PTI & next GovtsQ: Who gets credit for making it?
A: Shahbaz Sharif.
— Babar Awan (@BabarAwanPK) February 10, 2020
یاد رہے کہ اس سے قبل تختِ لاہور پر بیٹھی پنجاب کی صوبائی حکومت نے 23 مارچ سے عوام کے لیے باقاعدہ اورنج لائن ٹرین چلانے کااعلان کردیا۔
لیفٹیننٹ جنرل ریٹائرڈ عاصم سلیم باجوہ کی زیر صدارت 17 جنوری کو سی پیک کمیٹی کا اجلاس ہوا جس میں چیئرمین پی اینڈ ڈی حامد یعقوب شیخ سمیت دیگر افراد بھی موجود تھے۔
مزید پڑھیں: پنجاب حکومت کا 23 مارچ سے اورنج لائن ٹرین چلانے کا اعلان