اسلام آباد: وزیرِ اعظم عمران خان نے کہا ہے کہ پاکستان ایران کے ساتھ امن کی بحالی کیلئے سعودی کاوش کا خیر مقدم کرتا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے کہا کہ ہم ایران کے ساتھ بحالئ امن کے حوالے سے سعودی عرب کی کاوش کا خیر مقدم کرتے ہیں۔
وزیرِ اعظم عمران خان نے کہا کہ ایران ہمارا ہمسایہ ہے اور سعودی عرب ہمارا قریب ترین دوست ہے۔ امن کی جانب اٹھایا گیا یہ قدم امتِ مسلمہ کو تقویت فراہم کرنے کیلئے اہم ہے۔
ہم ایران کے ساتھ بحالئ امن کے حوالے سے سعوی عرب کی کاوش کا خیر مقدم کرتے ہیں۔ ایران ہمارا ہمسایہ تو سعودی عرب قریب ترین دوست ہے۔ امن کی جانب اٹھایا گیا یہ قدم امتِ مسلمہ کیلئے باعثِ تقویت ہو گا۔
https://t.co/LXj0pRiYFp— Imran Khan (@ImranKhanPTI) April 28, 2021
قبل ازیں شہزادہ محمد بن سلمان کا ایک انٹرویو نشر ہوا جس میں سعودی ولی عہد نے کہا کہ ہم ایران کے ساتھ اچھے تعلقات کے خواہش مند ہیں جسے عالمی سطح پر پذیرائی حاصل ہوئی۔
عالمی سطح پر ایران اور سعودی عرب کے مابین کشیدگی پائی جاتی تھی جس پر پاکستان نے دونوں ممالک میں ثالثی کا کردار ادا کیا۔ گزشتہ برس اپنے ایک انٹرویو میں وزیرِ اعظم عمران خان نے کہا کہ ثالثی سے خطے میں کشیدگی کا خاتمہ ہوگا۔
یہ بھی پڑھیں: این اے 249 کا ضمنی انتخاب، کراچی میں پولنگ شروع