اسلام آباد: وزیراعظم عمران خان نے متحدہ قومی موومنٹ (ایم کیو ایم پاکستان) کے پرامن احتجاج کے خلاف سندھ پولیس کی پرتشدد کارروائیوں کا نوٹس لیتے ہوئے کہا ہے کہ ذمہ داروں کے خلاف ضروری کارروائی کی جائے گی۔
وزیراعظم نے ٹوئٹر پر اپنے پیغام میں کہا کہ انہوں نے بلدیاتی قانون کے خلاف ایم کیو ایم کے پرامن احتجاج کے خلاف سندھ پولیس کے تشدد کا نوٹس لیا ہے۔
وزیراعظم عمران خان نے کہا کہ انہوں نے وزارت داخلہ، وزیراعلیٰ سندھ سید مراد علی شاہ اور انسپکٹر جنرل پولیس سندھ مشتاق مہر سے رپورٹ طلب کرلی ہے۔ انہوں نے کہا کہ ان رپورٹس کے بعد ذمہ داروں کے خلاف ضروری کارروائی کی جائے گی۔
I have taken note of the violence used by Sindh police against MQM’s peaceful protest against Sindh’s LG law, & have called for a report from Interior Ministry, Sindh CS & Sindh IG. Will take necessary action against those responsible after receiving these reports.
— Imran Khan (@ImranKhanPTI) January 27, 2022
گزشتہ روز وزیراعلیٰ سندھ مراد علی شاہ نے بھی وزیراعلیٰ ہاؤس کے باہر ہونے والے واقعات کی تحقیقات کا حکم دیا ہے اور کمشنر کراچی کو معاملے کی تفصیلی رپورٹ پیش کرنے کی ہدایت کی ہے۔
وزیراعلیٰ نے وزیر انفارمیشن ٹیکنالوجی امین الحق کو ٹیلی فون کیا اور واقعات پر دکھ کا اظہار کیا۔ انہوں نے کہا کہ ایسے واقعات نہیں ہونے چاہئیں اور سیاسی اختلافات کو سیاسی طریقے سے مذاکرات کے ذریعے حل کیا جانا چاہیے۔ انہوں نے نسلی بنیادوں پر ریمارکس کی مذمت کی۔
مزید پڑھیں: وسیم اختر کی متحدہ کارکنوں کا پٹتا چھوڑ کر پولیس پروٹوکول میں بھاگنے کی ویڈیو وائرل