گوگل نیوز پر ہمیں فالو کریںپاکستان نے بھارت کی جانب سے جاری سیاسی نقشہ مستردکردیا ، میں متنازعہ جموں وکشمیرکوبھارت کا حصہ دکھایاگیا جبکہ گلگت بلتستان اورآزادکشمیرکومتنازعہ علاقہ دکھایاگیا ، ترجمان دفترخارجہ نے بھارتی بھونڈی کوششوں کو سلامتی کونسل کی قراردادوں کے منافی قراردیا۔
دفتر خارجہ کے اعلامیے میں کہا گیا کہ پاکستان، بھارت کے نئے سیاسی نقشے مسترد کرتا ہے جس میں مقبوضہ جموں کشمیر، گلگت بلتستان اور آزاد کشمیر کو بھارتی علاقہ قرار دیا گیا۔
ترجمان دفتر خارجہ نے کہاکہ بھارتی وزارت داخلہ نے دو نومبر کو نئے نقشے جاری کیے، نقشوں میں خطہ جموں و کشمیر کو بھارتی علاقہ قرار دینا گمراہ کن ہے۔
ترجمان دفترخارجہ نے کہا کہ بھارتی اقدام بلاجواز اور ایسے غیر قانونی اقدام کی کوئی حیثیت نہیں،پاکستان بھارتی مقبوضہ جموں و کشمیر کے عوام کی منصفانہ جدوجہد کی حمایت جاری رکھے گا، ایسی کارروائیوں سے کشمیریوں کا حق خودارادی متاثرنہیں ہو سکتا۔
یہ بھی پڑھیں: مقبوضہ کشمیر سے کرفیو ختم کیا جائے، سکھوں کا جینوا میں مظاہرہ
