گوگل نیوز پر ہمیں فالو کریںراولپنڈی: آرمی چیف جنرل قمر جاوید باجوہ کی زیر صدارت کور کمانڈرز کانفرنس ہوئی جس میں ملکی سلامتی اور سرحدوں کی تازہ صورتحال پر غور کیا گیا۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ کی زیر صدارت کور کمانڈرز کانفرنس ہوئی جس میں ملکی سلامتی اور سرحدوں کی صورتحال پر غور کیاگیا جبکہ آپریشن ردالفساد کا بھی جائزہ لیاگیا۔
ڈی جی آئی ایس پی آر کے مطابق کورکمانڈرز کانفرنس میں بھارتی قیادت کے غیر ذمہ دارانہ بیانات کی شدید مذمت کرتے ہوئے کہا گیا ہے کہ اس کے خطے پر منفی اثرات مرتب ہوں گے، پاکستان کے خلاف کسی بھی قسم کی مہم جوئی کو ناکام بنا دیا جائے گا۔
CCC. Geo strat envmt, spec focus on IS, situation on borders reviewed. Provocative statements of Indian ldrship are irresponsible rhetoric with implications for region. Pak Armed Forces fully prepared to thwart any misadventure, whatever the cost.(1/2) pic.twitter.com/OGx4ZJXHel
— DG ISPR (@OfficialDGISPR) February 6, 2020
کورکمانڈرز کانفرنس کے شرکاء نےاس عزم کا اعادہ کیا کہ پاکستان کی مسلح افواج مادرِ وطن کے دفاع کے لیے ہمہ وقت تیار ہیں، بھارتی ظلم وجبر کشمیریوں کے حق خود ارادیت کو نہیں دبا سکتا۔ پاکستان کے خلاف کسی بھی قسم کی مہم جوئی کو ناکام بنا دیا جائے گا۔
یہ بھی پڑھیں: مودی کی پاکستان کو فتح کرنے کی کوشش اس کی آخری غلطی ہوگی، وزیراعظم
