گوگل نیوز پر ہمیں فالو کریںاسلام آباد: وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ نئے پاکستان کی بنیاد رشتوں کو مضبوط بنانے والے احساس پر قائم ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی فردوس عاشق اعوان نے کہا کہ احساس کا رشتہ انسانی رشتوں کو مضبوط بناتا ہے جس پر نئے پاکستان کی بنیاد رکھی گئی ہے۔
معاونِ خصوصی فردوس عاشق اعوان نے کہا کہ وزیر اعظم کے احساس کفالت کارڈ کا اجراء ریاست کے ماں ہونے کی سوچ کی طرف ایک اور قدم ہے۔
احساس کا جذبہ انسانی رشتوں کو مضبوط بناتا ہے۔نئے پاکستان کی بنیاد اِسی احساس پر قائم ہے ۔ وزیر اعظم عمران خان کا احساس کفالت کارڈ کا اجراء کرنا "ریاست کےماں" ہونے کی سوچ کے تحت ایک اور قدم ہے –
— Dr. Firdous Ashiq Awan (@Dr_FirdousAwan) January 31, 2020
ڈاکٹرفردوس عاشق اعوان نے کہا کہ احساس کفالت پروگرام فلاحی ریاست کی طرف پیش رفت ہے جس کے تحت تقریباً 70 لاکھ غریب خواتین کو 2 ہزار روپے ماہانہ وظیفہ دیا جائے گا۔
فردوس عاشق اعوان نے کہا کہ یہ پروگرام وزیر اعظم عمران خان کے ویژن ایک خاتون ایک بینک اکاؤنٹ کا عکاس ہے جو خواتین کی معاشی خودمختاری کی طرف اہم سنگِ میل ثابت ہوگا۔
احساس کفالت پروگرام فلاحی ریاست کی جانب پیشرفت ہے جس کے تحت تقریباً ستر لاکھ غریب خواتین کو 2 ہزار روپے ماہانہ وظیفہ دیا جائے گا ۔ یہ پروگرام وزیر اعظم عمران خان کے وژن "ایک خاتون ایک بنک اکاؤنٹ" کا عکاس ہے اور یہ خواتین کی معاشی خود مختاری کی جانب اہم سنگ میل ثابت ہو گا۔
— Dr. Firdous Ashiq Awan (@Dr_FirdousAwan) January 31, 2020
یاد رہے کہ اس سے قبل معاون خصوصی فردوس عاشق اعوان نے کہا کہ وزیراعظم کی تنخواہ میں اضافے کے حوالے سے من گھڑت خبریں پھیلائی گئیں۔وزیراعظم نے شاہ خر چیوں کو کنٹرول کیااور سادگی کی مثال بنے۔
پارلیمنٹ ہاؤس کے باہر میڈیا سےگفتگو کرتے ہوئے فردوس عاشق اعوان نے کہا کہ گزشتہ کابینہ میٹنگ کے بعد میڈیا میں خود ساختہ بیانیہ اُبھرا۔کہا گیا کہ وزیر اعظم نے کابینہ سے اپنی تنخواہ بڑھانے کی منظوری لی ۔
مزید پڑھیں: وزیراعظم کی تنخواہ میں اضافہ غلط خبر ہے۔فردوس عاشق اعوان
