ماہرہ خان نے ساحر لودھی کو شاہ رخ خان سے بہتر پسندیدہ اداکار قراردیدیا

کراچی :پاکستان کی خوبرو اداکارہ و سپر ماڈل ماہرہ خان کی جانب سے بھارتی سْپر اسٹار شاہ رْخ خان پر پاکستان کے معروف فنکار ساحر لودھی کو ترجیح دے دی گئی ہے۔

ہر دلعزیز اداکارہ ماہرہ خان کے پاکستان سمیت بھارت میں بھی بڑی تعداد میں مداح پائے جاتے ہیں۔ماہرہ خان نے بھارتی فلم انڈسٹری میں لیجنڈری اداکار شاہ رخ خان کے مدِ مقابل فلم میں اپنی جاندار اداکاری اور خوبصورت ادائوں کے سبب سرحد پار بھی کافی داد صول کی تھی۔

ماہرہ خان کی سوشل میڈیا ایپ انسٹا گرام پر ایک مختصر سی ویڈیو وائرل ہو رہی ہے جس میں وہ ایک میزبان کے ساتھ کار کے سفر کے دوران ساتھ میں انٹرویو دے رہی ہیں اور ساتھ ہی میزبان کی دلچسپ باتوں سے محظوظ ہو رہی ہیں۔

مزید پڑھیں:مرچی نے چپکے چپکے کے سیٹ پر یادگار لمحات کی تفصیلات مداحوں کو بتادیں

میزبان کی جانب سے ماہرہ خان سے متعدد سوالات کیے گئے ہیں۔ماہرہ خان کا یہ مکمل انٹرویو تو عید پر جاری کیا جائے گا جبکہ فی الحال اس شو کا ایک مختصر سا ٹیزر ہی مداحوں کی کافی توجہ حاصل کر رہا ہے۔

میزبان کے ایک سوال کے جواب میں ماہرہ خان نے اپنا پسندیدہ پروجیکٹ چنتے ہوئے بتایا ہے کہ اْن کا من پسند پروجیکٹ فلم ’بِن روئے‘ کے بجائے اْن کا ڈرامہ سیریل ’ہمسفر‘ ہے۔

میزبان کی جانب سے ماہرہ خان کی پسند پوچھنے کے لیے شو کے دوران سوال کیا گیا ہے کہ ’ماہرہ خان کو ساحرلودھی پسند ہے یا شاہ رْخ خان ؟۔‘ جس کا جواب دیتے ہوئے ماہرہ خان کا کہنا ہے کہ ’اْنہیں شارْخ خان نہیں بلکہ پاکستان کے معروف میزبان، اداکار، ہدایتکار اور گلوکار ساحر لودھی پسند ہیں۔