لاہور: وفاقی وزیر سائنس و ٹیکنالوجی فواد چوہدری نے پرویز مشرف کے خلاف سنگین غداری کیس کا فیصلہ سنانے والی خصوصی عدالت کی تشکیل کو غیر آئینی دینے کے فیصلے پر رد عمل دیتے ہوئے اس ےقانونی اور اخلاقی طور پر درست قرار دیا ہے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیرسائنس و ٹیکنالوجی فواد چوہدری کا کہنا تھا کہ پر ویز مشرف کے خلاف فیصلہ پہلے دن سے ہی متنازع تھا۔
فواد چوہدری نے کہا کہ جن چند ججوں نے نوکری سے نکالے جانے کو غداری قرار دے کر یہ کیس شروع کیا ان ججز نے صرف کچھ سال قبل نہ صرف مارشل لا کو جائز قرار دیا بلکہ آئین میں ترمیم کی اجازت بھی دی،لاہور ہائیکورٹ نے قانونی اور اخلاقی طور پر درست فیصلہ کیا ہے۔
یہ مقدمہ پہلے دن سے ہی متنازعہ تھا، جن چند ججوں نے نوکری سے نکالے جانے کو غداری قرار دیکر یہ کیس شروع کیا ان ججز نے صرف کچھ سال قبل نہ صرف مارشل لاّ کو جائز قدار دیا بلکہ آئین میں ترمیم کی اجازت بھی دی۔ لاہور ہائیکورٹ نے قانونی اور اخلاقی طور پر درست فیصلہ کیا ہے۔ https://t.co/VTZsfMjL9q
— Ch Fawad Hussain (@fawadchaudhry) January 13, 2020
واضح رہے کہ لاہور ہائیکورٹ نے اپنے فیصلے میں سابق صدر پرویز مشرف کو سزائے موت سنانے والی اسلام آباد کی خصوصی عدالت کو غیر آئینی ا ور آرٹیکل 6 میں کی جانے والی ترمیم بھی کالعدم قرار دے دی ہے۔
مزید پڑھیں: لاہور ہائیکورٹ، خصوصی عدالت کالعدم، پرویز مشرف کا ٹرائل غیر قانونی قرار