گوگل نیوز پر ہمیں فالو کریںبالی ووڈ اداکارہ کرشمہ کپور نے زندگی کی 50 بہاریں دیکھ لی ہیں، سالگرہ کے موقعے پر کرشما کپور کی چھوٹی بہن اداکارہ کرینا کپور نے سوشل میڈیا پر خوشگوار یادوں کی ویڈیو شیئر کردی۔
تفصیلات کے مطابق 90 کی دہائی میں بالی ووڈ فلموں کی صفِ اوّل کی ادکارہ کرشمہ کپور نے مختلف کرداروں میں اداکاری کرکے مداحوں سے خوب داد سمیٹی۔ کرینا کپور کا کہنا ہے کہ 50ویں سالگرہ پر اپنی حتمی ہیرو کو مبارکباد دیتی ہوں۔
اداکارہ کرینا کپور نے اپنے انسٹاگرام پیغام میں کہا کہ 50ویں سالگرہ کے موقعے پر ناشتے، کافی، طویل گفتگو اور بحث، قہقہے اور رقص سمیت بہت سی یادیں ہیں۔ اور ہم نے دوبچوں کے طور پر بہت سہانا وقت گزارا۔ میری آپ کیلئے یہی خواہشات ہیں۔
کرینا کپور کی شیئر کی گئی ویڈیو میں اداکارہ کرشمہ کپور کو بھانجے تیمور علی خان اور جیہ علی خان کے ساتھ دیکھا جاسکتا ہے۔ کچھ تصاویر میں ان کے والد رندھیر کپور اور والدہ ببیتا کپور کو بھی ہمراہ دیکھا جاسکتا ہے۔
View this post on Instagram
پیغام سامنے آتے ہی کرشمہ کپور کیلئے دوست فنکاروں، اداکاروں اور مداحوں کی جانب سے 50ویں سالگرہ پر مبارکباد کا سلسلہ شروع ہوگیا۔ بہت سے مداحوں نے اداکارہ کرشمہ کپور کو سالگرہ کی مبارکباد دی اور کرینا کپور کی شیئر کی گئی ویڈیو کی بھی تعریف کی۔
