اسلام آباد: تھانہ کھنہ کے علاقے پنڈوریاں میں پانچ سالہ بچے کے ساتھ زیادتی میں ملوث ثاقب نواز نامی ملزم 2 گھنٹے کے اندر گرفتار کرلیاگیا۔
تفصیلات کے مطابق اسلام آباد میں تھانہ کھنہ کے علاقے پنڈوریاں میں پانچ سالہ بچے کے ساتھ شیطانی کھیل کھیلنے والے ملزم ثاقب نواز کو پولیس نے 2 گھنٹے کے اندر اندر گرفتار کرلیا۔
ذرائع کے مطابق ملزم نے بچے کو گھر سے دکان پر جاتے ہوئے زبردستی پکڑ کر زیادتی کا نشانہ بناڈالا، بچے کے والد ناصر سلیم نے تھانہ میں اطلاع دی کہ ملزم ثاقب نواز نے اس کے بچے سے زیادتی کی ہے ۔
پولیس ٹیم نے جدید ٹیکنالوجی اور دیگر ذرائع سے ملزم ثاقب نواز کو 2 گھنٹے کے اندر اندر ٹریس کر کے گرفتار کر لیاجبکہ ایس پی رورل زون ملک نعیم اقبال کی ہدایت پر فوری طور پر مقدمہ درج کیا گیا۔
یہ بھی پڑھیں: ضلع ننکانہ صاحب کی رہائشی کا وزیر داخلہ کے بھائی پر خاوند کو اغوا کرنے کا الزام