بھارتی فضائیہ کا لڑاکا طیارہ گر کر تباہ ہوگیا، ونگ کمانڈر ہلاک

نئی دہلی: بھارتی فضائیہ کا لڑاکا طیارہ گر کر تباہ ہوگیا جس کے نتیجے میں ونگ کمانڈر ہرشت سنہا ہلاک ہو گئے ہیں۔انڈین ائیر فورس نے افسوسناک حادثے پر گہرے رنج و غم کا اظہار کیا۔

تفصیلات کے مطابق بھارتی ائیر فورس کا مگ 21 طیارہ صحرائے راجستھان میں گر کر تباہ ہوا۔ خوفناک حادثے کے نتیجے میں تربیت یافتہ پائلٹ زندگی کی بازی ہار گیا۔

یہ بھی پڑھیں:

بنگلہ دیش میں کشتی میں آتشزدگی،32افرادجھلس کرجاں بحق ہوگئے

بھارتی میڈیا کا کہنا ہے کہ فائٹر مگ 21 طیارہ راجستھان کے علاقے جیسلمیر میں گر کر تباہ ہوا۔ بدقسمت طیارے کے پائلٹ کی لاش برآمد کر لی گئی ہے۔

انڈین ائیر فورس کے ٹوئٹر اکاؤنٹ سے بھی طیارہ حادثے کی تصدیق کردی گئی۔ بھارتی فضائیہ کا کہنا ہے کہ حادثہ آج رات کے وقت 8 بج کر 30 منٹ پر تربیتی پرواز کے دوران گر کر تباہ ہوا۔

مگ 21 کی تباہی کے متعلق بھارتی ائیر فورس نے ٹوئٹر پیغام میں مزید کہا کہ حادثہ مغربی سیکٹر میں پیش آیا۔ حادثے کی وجوہات جاننے کیلئے انکوائری کا حکم دے دیا گیا ہے۔ 

This evening, around 8:30 pm, a MiG-21 aircraft of IAF met with a flying accident in the western sector during a training sortie. Further details are awaited.
An inquiry is being ordered.

— Indian Air Force (@IAF_MCC) December 24, 2021

بعد ازاں بھارتی فضائیہ نے گہرے رنج و غم کا اظہار کرتے ہوئے بتایا کہ ونگ کمانڈر ہرشت سنہا رات کے وقت ہونے والے فضائی حادثے میں ہلاک ہو گئے۔

This evening, around 8:30 pm, a MiG-21 aircraft of IAF met with a flying accident in the western sector during a training sortie. Further details are awaited.
An inquiry is being ordered.

— Indian Air Force (@IAF_MCC) December 24, 2021

With deep sorrow, IAF conveys the sad demise of Wing Commander Harshit Sinha in the flying accident this evening and stands firmly with the family of the braveheart.

— Indian Air Force (@IAF_MCC) December 24, 2021

تعزیتی پیغام میں بھارتی فضائیہ کا کہنا تھا کہ ہم بہادر ونگ کمانڈر ہرشت سنہا کی طیارہ حادثے میں وفات کے افسوسناک سانحے میں ان کے اہلِ خانہ کے غم میں برابر کے شریک ہیں۔