خانہ کعبہ کو ڈھانپنے والے سیاہ غلاف جسے کسوہ کہتے ہیں کی دیکھ بھال کیلئے جدید ترین طریقے اور پریمیم مواد کا استعمال کیا جاتا ہے۔
کسوہ کی باقاعدہ دیکھ بھال کیلئے پوری ایک ٹیم مقرر ہے، جو اس کی صفائی سمیت ہر طرح سے اس کی دیکھ بھال کی ذمے داری انجام دیتی ہے۔
ایک سرکاری ایجنسی کے مطابق کسوہ کو روزانہ چیک کیا جاتا ہے، اس مقصد کیلئے 29 سالہ تجربہ رکھنے والے ماہرین پر مشتمل ٹیم ہمہ وقت موجود رہتی ہے۔
سعودی خبر رساں ایجنسی ایس پی اے کے مطابق کسی بھی مسئلے کو ریکارڈ وقت میں اعلیٰ ترین معیار کے مطابق فوراً نمٹا دیا جاتا ہے۔
لاکھوں مسلمان سال میں ایک بار حج اور مختلف اوقات کے دوران سال بھر عمرہ کے لیے سعودی عرب جاتے ہیں۔
رواں عمرہ سیزن کے دوران بیرون ملک سے تقریباً 10 ملین مسلمانوں کا سعودی عرب پہنچنے کا اندازہ لگایا گیا ہے۔