سرینگر: مقبوضہ کشمیر میں آج ہفتے کومسلسل لاک ڈاؤن اور کرفیو146ویں روز میں داخل ہوگیا ہے، مقبوضہ وادی میں ادویات اور خوراک کی شدید قلت برقرار ہے۔
مقبوضہ وادی میں بھارت کی طرف سے مسلط کردہ غیر انسانی لاک ڈاؤن اور مواصلاتی بندش کے باعث تاریخ انسانی کابدترین کرفیو 146 ویں روز میں داخل ہوگیا ہے ، وادی میں دکانیں، کاروبار، تعلیمی مراکز بند ہیں جبکہ پبلک ٹرانسپورٹ سڑکوں سے غائب ہے اور لوگ گھروں میں محصور ہو کر رہ گئے ہیں۔
وادی میں کھانے پینے کی اشیاء، اشیائے ضروریہ اور خوراک کی شدید قلت ہے جبکہ نام نہاد سرچ آپریشن کے نام پر پکڑ دھکڑ، تشدد اور قتل و غارت کا سلسلہ بھی جاری ہےاور حالات تاحال کشیدہ ہیں،قابض بھارتی فوج نے کشمیریوں کی زندگی اجیرن بنا دی ہے۔
بھارت کی طرف سے انٹرنیٹ اور پری پیڈ موبائل فون سروسز کی معطلی کے باعث لوگوں خاص طور پر پیشہ ور افراد،طلباء، صحافیوں، ڈاکٹروں اور تاجروں کو سخت مشکلات کا سامنا ہے ،دوسری جانب مودی سرکار کشمیریوں کی تحریک آزادی کو دبانے میں ناکام ہے۔
یہ بھی پڑھیں: یمن میں حوثی ملیشیا کی خفیہ جیلوں میں خواتین پر وحشیانہ تشدد کا انکشاف