گوگل نیوز پر ہمیں فالو کریںکراچی: ملکی معیشت کیلئے اچھی خبر یہ ہے کہ بیرونِ ملک مقیم پاکستانیوں کی طرف سے ترسیلاتِ زر مسلسل 5ویں مہینے 2 ارب ڈالرز سے زائد رہیں۔
تفصیلات کے مطابق بیرونِ ملک مقیم پاکستانی کارکنوں کی طرف سے ترسیلاتِ زر اکتوبر کے دوران 2 اعشاریہ 3 ارب ڈالر تک جا پہنچیں جو گزشتہ برس اسی ماہ کی ترسیلاتِ زر کے مقابلے میں 14 اعشاریہ 1 فیصد زیادہ ہیں۔
رواں مالی سال کے دوران جولائی سے لے کر اکتوبر تک ترسیلاتِ زر 9 اعشاریہ 4 ارب ڈالر تک جا پہنچیں جو گزشتہ مالی سال کے اسی عرصے کے مقابلے میں 26 اعشاریہ 5 فیصد زیادہ ہیں۔
ترسیلاتِ زر کا بڑا حصہ سعودی عرب (30 فیصد)، امریکا (16 فیصد) اور برطانیہ (14 اعشاریہ 6 فیصد) سے آیا۔ ہر سال ترسیلاتِ زر میں اضافہ خوش آئند ہے۔
یہ بھی پڑھیں: انٹر بینک میں ڈالر مزید سستا، نئی قیمت 158 روپے 30 پیسے مقرر
