گوگل نیوز پر ہمیں فالو کریںاسلام آباد: وزیرِ اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ بلاول بھٹو کا بیان قومی یکجہتی کو پارہ پارہ کرنے کے لیے ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی فردوس عاشق اعوان نے کہا کہ بلاوہ بھٹو کا بیان کورونا کے خلاف جنگ میں یکجہتی کی فضا کو پارہ پارہ کرنے کے مترادف ہے۔
پیغام میں معاونِ خصوصی اطلاعات فردوس عاشق اعوان نے کہا کہ سب جانتے ہیں کہ نیشنل کو آرڈینیشن کمیٹی میں فیصلے مشاورت سے طے پاتے ہیں۔
معاونِ خصوصی فردوس عاشق اعوان نے کہا کہ وزیرِ اعلیٰ سندھ قومی کمیٹی کے رکن ہیں۔ سندھ کے عوام پاکستان کے شہری ہیں جبکہ وزیرِ اعظم تمام پاکستانیوں کے حقوق کے تحفط کے ضامن ہیں۔
وزیر اعلی سندھ اس کمیٹی کے رکن ہیں۔سندھ کے عوام پاکستان کے شہری ہیں۔وزیراعظم عمران خان تمام اکائیوں میں بسنے والے پاکستانیوں کے حقوق کے تحفظ کے ضامن ہیں۔2/2
— Dr. Firdous Ashiq Awan (@Dr_FirdousAwan) April 12, 2020
ڈاکٹر فردوس عاشق اعوان نے پیپلز پارٹی کے چیئرمین کو مخاطب کرتے ہوئے کہا کہ بلاول صاحب! شعبہ صحت اٹھارویں ترمیم کے بعد صوبوں کے دائرہ اختیار میں ہے۔
انہوں نے کہا کہ گذشتہ ایک دہائی سے سندھ میں آپ کی حکومت قائم ہے۔یہ سیاست چمکانے کا وقت نہیں، متحد ہوکر تمام وسائل بروئے کار لاتے ہوئے کورونا وائرس کو شکست دینا ہے۔
بلاول صاحب! شعبہ صحت اٹھارویں ترمیم کے بعد صوبوں کے دائرہ اختیار میں ہے۔گذشتہ ایک دہائی سے زائد عرصہ سے سندھ میں آپ کی حکومت قائم ہے۔یہ سیاست چمکانے کا وقت نہیں، متحد ہوکر تمام وسائل بروئے کار لاتے ہوئے کورونا وائرس کو شکست دینا ہے۔
— Dr. Firdous Ashiq Awan (@Dr_FirdousAwan) April 12, 2020
