کورونا وائرس سے نبرد آزما ہونے کے لیے تمام اقدامات کو یقینی بنایا جا رہا ہے، فردوس عاشق

اسلام آباد: وزیراعظم کی معاون خصوصی برائے اطلاعات فردوس عاشق اعوان کا کہنا ہے کہ کورونا وائرس سے نبرد آزما ہونے کے لیے تمام ضروری اقدامات کو یقینی بنایا جا رہا ہے، یہ لاعلاج نہیں قابلِ علاج مرض ہے۔

سماجی رابطے کی ویب سائٹ ٹوئٹر پر اپنے پیغام میں معاون خصوصی برائے اطلاعات فردوس عاشق اعوان نے ایک دعا شیئر کرتے ہوئے کہا کہ تشویش اور پریشانی کی بات نہیں۔ بطور مسلمان یہ دعا بھی ہمیں پڑھنی چاہئے تاکہ اس مرض سے عافیت اور حفاظت میں رہیں۔

تشویش اور پریشانی کی بات نہیں۔ بطور مسلمان یہ دعا بھی ہمیں پڑھنی چاہئے تاکہ اس مرض سے عافیت اور حفاظت میں رہیں۔#کورونا_سے_ڈرنا_نہیں_لڑنا_ہے pic.twitter.com/2PSdBwLJSF

— Dr. Firdous Ashiq Awan (@Dr_FirdousPTI) February 29, 2020

فردوس عاشق اعوان کا کہنا تھا کہ کورونا وائرس سے نبرد آزما ہونے کے لیے تمام ضروری اقدامات کو یقینی بنایا جا رہا ہے، یہ لاعلاج نہیں قابلِ علاج مرض ہے، اس سے خوفزدہ ہونے کی ضرورت نہیں۔

انہوں نے کہا کہ حفاظتی تدابیر اختیار کرنا خصوصاً صفائی کا اہتمام لازم ہے، مسلمانوں کے لیے تو ’صفائی نصف ایمان ہے، صوبائی حکومتوں سے اقدامات اور انتظامات کی رپورٹ طلب کرلی ہے۔

فردوس عاشق اعوان نے کہا کہ وزیراعظم کا عزم ہے کہ ’کورونا وائرس سے ڈرنا نہیں لڑنا ہے‘، باقی امراض کی طرح کورونا وائرس کو بھی شکست دیں گے، کوئٹہ، لاہور، اسلام آباد اور کراچی میں کورونا کی تشخیص کی سہولیات فراہم کر دیں۔