گوگل نیوز پر ہمیں فالو کریںکراچی:نارتھ کراچی ایسوسی ایشن آف ٹریڈ اینڈ انڈسٹری کے صدر فیصل معیز خان نے کہا ہے کہ آر ایل این جی کی دستیابی کے باوجودکراچی کی صنعتوں کی گیس بند کرناسراسر انصافی ہے، وزیراعظم عمران خان کراچی کی صنعتوں کو تباہی ،ورکر ز کو بے روزگار ہونے سے بچائیں۔
نارتھ کراچی ایسوسی ایشن آف ٹریڈ اینڈ انڈسٹری کے صدرفیصل معیز خان نے سوئی سدرن گیس کمپنی کی جانب سے صنعتوں کی گیس بحال کرنے سے انکار پر شدید احتجاج کرتے ہوئے وزیراعظم عمران خان سے اپیل کی ہے کہ وہ کراچی کی صنعتوں کو تباہی سے بچانے اور ہزاروں ورکرز کو بے روزگاری سے بچانے میں اپنا کردار ادا کریں اور صنعتوں کی فوری گیس بحال کرنے کی ہدایت کریں۔
فیصل معیز خان نے ایک بیان میں وزیراعظم عمران خان سے اپیل کرتے ہوئے کہا کہ آر ایل این جی وافر مقدار میں دستیاب ہونے کے باوجود کراچی کی صنعتوں کی گیس بند کی جارہی ہے جو کہ سراسر انصافی ہے۔
انہوں نے کہاکہ نان ایکسپورٹ صنعتیں برآمدی صنعتوں کوویلیو ایڈڈ مصنوعات کی تیاری میں بہت اہم کردار ادا کرتی ہیں جبکہ مقامی طلب کو پورا کرنے کے لیے مصنوعات بھی تیار کرتی ہیں لہٰذا جتنی اہمیت برآمدی صنعتوں کی ہے اُتنی ہی اہمیت نان ایکسپورٹ صنعتوں کی بھی ہے جسے کسی صورت بھی نظر انداز نہیں کیا جاسکتا۔
مزید پڑھیں:گیس شارٹ فال کو ملک کے دیگر حصوں میں تقسیم کیا جائے، سلیم الزماں
