گوگل نیوز پر ہمیں فالو کریںکراچی سے لاپتہ ہوکر ظہیر نامی شہری سے شادی کرنے والی لڑکی دعا زہرہ کے والد مہدی کاظمی نے قرآن سر پر رکھتے ہوئے کہا کہ انہوں نے دعا کو کبھی بھی کزن زین سے شادی کرنے پر مجبور نہیں کیا۔
سوشل میڈیا پر والد مہدی کاظمی کی ایک ویڈیو وائرل ہوئی جس میں وہ سر پر قرآن رکھ رہے ہیں او دعا کی شادی کزن زین کے حوالے سے بات کر رہے ہیں۔
View this post on Instagram
مہدی کاظمی نےکہا کہ دعا اور زین کی شادی کے بارے میں گھر میں کبھی ذکر نہیں ہوا۔ اور نہ ہم نے دعا کو شادی کے لیے مجبور کیا، اگر میں جھوٹ بول رہا ہوں تو اللّہ کا قہر مجھ پر ابھی نازل ہوجائے اور میرے اس کرسی سے اٹھنے کی نوبت ہی نہ آئے۔
والد مہدی کاظمی نے کہا کہ میں نے دعا کو کبھی نہیں مارا، ہاں کبھی کبھی ڈانٹ دیتا تھا جیسے دیگر والدین ڈانٹ دیتے ہیں مگر دعا پر کبھی کوئی ظلم نہیں کیا۔
مہدی کاظمی نے کہا کہ دعا نے کبھی کسی ظہیر کا گھر میں ذکر نہیں کیا۔ انہوں نے مزید کہا کہ وہ اب بھی دُعا اور ظہیر کی شادی کو پسند کی شادی نہیں مانتے، اس کے پیچھے کوئی اور وجہ ہے کیونکہ دُعا نے کبھی گھر میں ایسی کوئی بات نہیں کی تھی۔
واضح رہے کہ کراچی سے لاہور جا کر ظہیر نامی لڑکے سے شادی کرنے والی دعا زہرہ نے حال ہی میں اپنے ایک انٹرویو میں والد مہدی کاظمی کے بارے میں کہا تھا کہ وہ پلاٹ کے لالچ میں دعا کی شادی اس کے تایا زاد کزن زین سے کرنا چاہتے ہیں۔
