کورونا مزید 69 زندگیاں نگل گیا، 3909 شہری وباء سے متاثر

اسلام آباد:پاکستان میں کورونا وائرس کی تباہ کاریوں کا سلسلہ جاری، وباء نے مزید 69 افراد کی زندگیاں نگل کر3909 شہریوں کواپنی لپیٹ میں لے لیا۔

این سی اوسی کے مطابق 24 گھنٹےکےدوران 62 ہزار 918 کوروناٹیسٹ کیےگئے جن میں سے 3909 شہریوں کے ٹیسٹ مثبت آئے جبکہ ملک میں کوروناکے مثبت کیسزکی شرح 6اعشاریہ 21 فیصدرہی۔

Statistics 29 Aug 21:
Total Tests in Last 24 Hours: 62,918
Positive Cases: 3909
Positivity % : 6.21%
Deaths : 69

— NCOC (@OfficialNcoc) August 29, 2021

ملک بھرمیں 24 گھنٹےکےدوران کوروناسےمزید69 اموات کے بعدکوروناسےجاں بحق افرادکی تعداد 25 ہزار 604 ہوگئی ہے۔

مزید پڑھیں:سندھ حکومت کا کراچی میں پیر سے اسکولوں کو کھولنے کا فیصلہ

خیال رہے کہ اِس سے قبل پاکستان کے سب سے بڑے شہر اور قائدِ اعظم محمد علی جناح کی جائے پیدائش کراچی میں کورونا وائرس کے ٹیسٹ مثبت آنے کی شرح بدستور بلند ریکارڈ کی گئی۔

محکمہ صحت کے ترجمان کا گزشتہ روز کہنا تھا کہ کراچی میں ایک روز کے دوران کورونا وائرس کے مثبت کیسز کی شرح 14 اعشاریہ 11 فیصد ریکارڈ کی گئی۔

اس دوران کراچی میں کورونا وائرس کے 5 ہزار 867 ٹیسٹ کیئے گئے، جن کے نتیجے میں 828 کیسز مثبت آئے۔سندھ کے دوسرے بڑے شہر حیدر آباد میں گزشتہ 24 گھنٹوں کے دوران کورونا وائرس کے مثبت کیسز کی شرح 9 اعشاریہ 43 فیصد ریکارڈ کی گئی۔