گوگل نیوز پر ہمیں فالو کریںواشنگٹن :امریکا کے صدر ڈونلڈ ٹرمپ نے چین کو متنبہ کیا ہے کہ اگر وہ جان بوجھ کر کورونا وائرس پھیلانے کا ذمہ دار ہوا تو سخت نتائج کا سامنا کرنا پڑ سکتا ہے۔
وائٹ ہاؤس کی یومیہ بریفنگ میں ڈونلڈ ٹرمپ نے کہا کہ چین میں شروع ہونے سے پہلے ہی کورونا کو روکا جاسکتا تھا لیکن ایسا نہیں ہوااور پوری دنیا اس کی وجہ سے پریشانی کا شکار ہے۔
امریکی صدر نے کہا کہ اگر یہ غلطی تھی تو ٹھیک ہے لیکن اگر چین جان بوجھ کر وائرس پھیلانے کا ذمہ دار ہوتاہے تو یقینا اس کے نتائج ہونے چاہئیں اور چین کو اس کیلئے تیار رہنا چاہیے۔
انہوں نے مزید کہا کہ حال ہی میں امریکا اور چین کے تعلقات میں بہتری آئی اور اربوں ڈالرکے معاہدے ہوئے لیکن اب صورتحال خراب ہوچکی ہے۔
انہوں نے کہا کہ دیکھنا ہوگا کہ یہ کوئی غلطی تھی جو قابو سے باہر ہو گئی یا دانستہ طور پر کیا گیا؟ ان دونوں باتوں میں بہت بڑا فرق ہے۔
مزید پڑھیں: امریکا میں 24 گھنٹوں کے دوران کوروناسے 1891 ہلاکتیں
