گوگل نیوز پر ہمیں فالو کریںکراچی: ملک بھر میں سونے کی قیمت میں 6 ہزار روپے سے زائد کی کمی ہوئی ہے۔ آل پاکستان جیمز اینڈ جیولرز ایسوسی ایشن کا کہنا ہے کہ سونے کی فی تولہ اور 10 گرام کی قیمت میں حیرت انگیز کمی ہوئی۔
تفصیلات کے مطابق ملک بھر میں سونے کی فی تولہ قیمت میں 6 ہزار 200 روپے کی یکمشت کمی ہوئی ہے جس سے سونا 2 لاکھ 42 ہزار روپے فی تولہ ہوگیا۔ 10 گرام سونے کی قیمت میں 5 ہزار روپے سے زائد کمی ہوئی۔
آل پاکستان جیمز اینڈ جیولرز ایسوسی ایشن کا کہنا ہے کہ ملک بھر میں 10 گرام سونے کی قیمت میں 5 ہزار 315 روپے کی کمی ہوئی ہے جس کے نتیجے میں 10 گرام سونا 2 لاکھ 7 ہزار 476 روپے کی سطح پر آگیا۔
عالمی سطح پر سونے کی قیمت میں 60 ڈالر کی کمی ہوئی ہے جس سے سونے کی نئی قیمت 2 ہزار 335 ڈالر فی اونس ہوگئی۔آج سے 4 روز قبل تک سونے کی عالمی مارکیٹ میں قیمت 2 ہزار 414ڈالر فی اونس تھی۔
چار روز قبل پاکستان بھر میں 24 قیراط سونے کی فی تولہ قیمت 3 ہزار100روپے اضافے کے ساتھ 2لاکھ 48 ہزار 100 روپے ہوگئی جبکہ 10گرام سونے کی قیمت میں بھی ڈھائی ہزار روپے سے زائد کا اضافہ ریکارڈ کیا گیا تھا۔
پاکستان جیمز اینڈ جیولز ایسوسی ایشن کا کہنا تھا کہ 24 قیراط کے 10گرام سونے کی قیمت میں 2 ہزار 658 روپے کا اضافہ ہوا جس کے نتیجے میں 10 گرام سونا 2 لاکھ 12 ہزار 706 روپے کا ہوگیا۔
