کراچی میں بارش کی تباہ کاریاں، شہر میں پیٹرول کی سپلائی متاثر

کراچی: شہر قائدمیں گزشتہ رات سے شروع ہونے والی تیز بارشوں کے سبب سڑکوں پر پانی جمع ہے، جس کے باعث تیل کمپنیوں نے پیٹرول کی سپلائی روک دی۔

چیئرمین پیٹرولیم ریٹیلرز ایسوسی ایشن سمیر حسین کے مطابق کراچی کی سڑکوں کی صورتحال خراب ہے جس کی وجہ سے تقریباً تمام تیل کمپنیوں نے تیل کی سپلائی روک دی ہے، اُن کا کہنا تھا کہ صورتحال بہتر ہونے کے بعد تیل کی سپلائی شروع ہوجائے گی۔

مزید پڑھیں:بینک عوام کو لوٹنے لگے، انشورنس کے نام پر دھوکہ دہی کا انکشاف

چیئرمین پیٹرولیم ریٹیلرز ایسوسی ایشن سمیر حسین نے مزید کہا کہ پیٹرول پمپس پانی میں ڈوب گئے، سپلائی بحال نہ ہوئی تو پیٹرولیم مصنوعات کی قلت کا خدشہ ہے۔