رمیز راجہ کا سیمی فائنل میں شکست پر قومی ٹیم کیلئے حوصلہ افزاء پیغام

لاہور: پاکستان کرکٹ بورڈ کے چیئرمین رمیز راجہ نے سیمی فائنل میں شکست پر قومی ٹیم کیلئے حوصلہ افزاء پیغام جاری کرتے ہوئے کہا ہے کہ آپ نے پوری قوم کو متحد کردیا۔

سماجی رابطے کی ویب سائٹ ٹوئٹر پر اپنے پیغام میں 13 سال تک پاکستان کے سابق بیٹر رہنے والے چیئرمین پی سی بی رمیز راجہ نے کہا کہ قومی ٹیم نے قوم کو یکجا کیا اور ہمارا موڈ خوشگوار کردیا۔

یہ بھی پڑھیں:

ٹی 20ورلڈ کپ، آسٹریلیا پاکستان کو ہرا کر فائنل میں پہنچ گیا

شائقین کرکٹ نے حسن علی کو اہم کیچ چھوڑنے پر آڑے ہاتھوں لے لیا

شاداب خان نے آسٹریلیا کیخلاف میچ میں اہم اعزاز اپنے نام کرلیا

ٹوئٹر پیغام میں رمیز راجہ نے کہا کہ ہم قومی کرکٹ ٹیم کا شکریہ ادا کرتے ہیں اور آسٹریلیا کے خلاف جس طریقے سے آپ نے کھیل کی جنگ لڑی، ہمیں آپ پر فخر ہے، پاکستان زندہ باد۔ 

You have united the land truly and you have refreshed it’s mood with promise. We thank you and we are proud the way you fought. Well done boys. #PakistanZindabad

— Ramiz Raja (@iramizraja) November 11, 2021

خیال رہے کہ اس سے قبل آئی سی سی مینز ٹی 20 ورلڈکپ کے دوسرے سیمی فائنل میں آسٹریلیا پاکستان کو شکست دے کر فائنل میں پہنچ گیا۔پاکستان بھرپور جدوجہد کرکے بھی کامیاب نہ ہوسکا۔ 

گزشتہ شب کھیلے گئے آئی سی سی مینز ٹی ٹوئنٹی ورلڈکپ کے دوسرے سیمی فائنل میں پاکستان نے پہلے بیٹنگ کرتے ہوئے آسٹریلیا کو جیت کے لئے177رنز کا ہدف دیا جو ناکافی ثابت ہوا۔ 

ٹاس کے موقع پر قسمت نے قومی کرکٹ ٹیم کے کپتان بابراعظم کا ساتھ نہیں دیا، آسٹریلیا نے پاکستان کے خلاف ٹاس جیت کر فیلڈنگ کا فیصلہ کیا اور پاکستان کو پہلے کھیلنے کی دعوت دی۔

پاکستان نے مقررہ 20 اوورز میں 4 وکٹوں کے نقصان پر 176 رنز بنائے، محمد رضوان 67 اور فخر زمان رنز 55 بناکر نمایاں رہے۔پاکستانی اوپنرز نے ٹیم کو شاندار آغاز فراہم کیا۔